推薦一本恐怖小說 - 詭舍

兩個星期內追哂成本一千章
「與天鬥、與地鬥、與人鬥、與鬼鬥,爭一線生機」
係我諗到用黎總結呢本書既
主角需要係唔同既鬼怪故事入面掙扎求存,逃離成功後,可以返回現實世界
雙線並行,完整表達背後既世界觀
而主角由頭到尾都無所謂升級既概念,有既只係豐富既經驗、直覺、冷靜等等係唔同既鬼故事入面尋找生路
呢點係我非常佩服既,保留恐怖小說原汁原味既元素
同時每個故事都盡可能承上啟下,唔會一味渲染恐怖殺戮
大部分鬼背後既故事都係悲慘,當中部份既情節可以係現實社會中搵到
表達相當高既視感
作者將每個角色塑造得非常生動
有少量既坑未填哂
感情線方面唔會開後宮,只有單女主
而且作者對於主角既感情著墨係好少

最後結局方面,有人認為故事爛尾,我唔認同
我認為係合理、水到渠成而又充滿遺憾既結局
總括而言,鐘意睇恐怖小說既,呢本係不容錯過
我私心認為呢本係恐怖小說既no.1
