今日正式同我最好嘅朋友道別，諗返起第一次喺宿舍遇到你，就知我地真係同類型嘅人，姐係on9仔，成日搞gag講廢話，真係好開心。
一齊住嗰陣，我永遠都搵唔到自己嘅嘢，但你永遠都知道佢哋喺邊度。嗰陣只要無野做就會搵你吐苦水，然後眼訓就訓教。
最懷念嗰日，係一個平凡無咩特別嘅下午。我地一齊攤喺床度吹水，訓晏教，再一齊坐車出去食晚飯。
你成日話我地好夾，連睇動漫嘅品味都差唔多，我地都覺得巴衛要同惡羅王喺埋一齊，都覺得格雷同露西有啲曖昧。
我話比自己聽，人生旅途中總會有人先落車，但依我哋嘅個性，我會祝你轉生去異世界，唔係要你成為勇者，或者比白鬍子更強嘅人，而係做個賣超貴一碗米線黎賺大錢嘅無良商人。
