長期戴住配足度數嘅眼鏡會唔會容易啲加深近視？

7年前2隻眼都800度近視，後尾做咗Lasik。近排我再去驗眼發現兩隻眼都有100度加50度散光，所以去眼鏡鋪配咗副眼鏡。

如標題所述，我想請教下長期戴住副足度數嘅眼鏡會唔會令近視更容易加深？

其實我而家日常生活唔戴眼鏡都冇乜太大影響，係睇遠野矇少少，所以諗緊係咪應該有需要睇遠野個陣先戴副眼鏡

Pish

以前問過醫生帶啱度數同差少少度數嘅眼鏡對隻眼有咩響。

佢就話醫學上意見分兩批，帶啱度數睇嘢固然係最好。不過就係因為啱啱好，所以眼睛嘅肌肉就少咗好多機會去郁動。長期係咁肌肉就會鬆弛。

至於大差少少度數嘅眼鏡，就唔會有上邊眼睛嘅肌肉唔需要點活動嘅問題，不過調返轉度數唔啱你隻眼成日要做嘢就會好易攰。

兩者都冇話會另近視容易加深。

幾歲

多謝巴打嘅分享！
我細個個陣會配足，過一年又加一百度
可能都有啲遺傳影響，我老豆成1000度近視。

29
我配眼鏡個陣個眼鏡佬話到我老咗有老花個陣可能會好啲