認真問一個受傷問題, 睇左成1年幾醫生

話說我係高處跌落地受傷...由於係打直企落地...之後膝頭一直痛同會突然發軟...由最一開始受傷到依家都係咁...CT照過就話咩都照唔到...啲醫生一直都話我係發炎...但佢哋問我有冇一啲發炎症狀嘅時候基本上我都係冇嘅...
依家...1年多之後佢哋依然係冇任何唔同...都係對住同樣嘅舊報告做返一樣嘅測試力量嘅檢查...話我發軟原因係唔夠力係唔夠肌肉量...
最初...我都已經係受傷果日開始有嘅問題...開始到今日都冇解決過...肌肉會流失呢個情況唔係就係因為佢哋冇檢查出咩事所以先惡化得更嚴重咩...
補充返...我一直每日都會迫自己行路去保持肌肉有活動...當然受傷後我冇強行做以前100KG踩板果重量...
瞓坐行企都會一時時突然痛...由最初到依家...啲醫生根本冇解釋到個問題係邊...
每次覆診基本上都係望住張CT話冇事...完全唔做檢查同無視我講嘅情況...由最初信佢哋...到忍唔撚住問點解每次覆診都可以咩檢查都唔做就話我冇事...到依家屈埋係我心理影響...佢老母係嘅話我仲同你忍痛行都唔學啲見步如飛嘅坐輪椅？？
9up完...想問有冇人有試過類似嘅傷...

試過照唔到骨折/烈
自己估你筋膜組織出事
健步 拉筋 重複做

照 MRI

照左MRI再講啦

1. 點點點 點夠未
2.

當然受傷後我冇強行做以前100KG踩板果重量...

睇唔明
3.

佢老母係嘅話我仲同你忍痛行都唔學啲見步如飛嘅坐輪椅

咁都要坐輪椅你要坐一世愈嚟行啲肌肉咪愈退化

MRI？真心唔識...

都仲有做嘅

你係咪睇政府？我覺得有可能係腰骨脊椎問題。

磁力共振呀
睇下會唔會係啲關節嘅軟組織出事
又可能會係脊骨有問題令你隻腳唔舒服架㗎

睇吓係邊個位置
對症下藥做復健

骨折等佢埋口再等筋膜痊癒
冇返半年九個月一年半載都唔得

手腳關節位置做一些簡單拉伸旋動搵下痛點係邊
之後去睇跌打或者自己搞都容易啲

有冇腳痺呀？
如果有，可能你跌果時整親脊骨又察覺唔到

骨折xray都睇到啦
膝關節都係十字韌帶/半月板多嫁啦
仲未照過MRI真係傻
似韌帶撕裂（連登睇症師）

膝頭內側有個凹入去嘅位置...輕輕禁落去會痛到好似比個鎚仔用力扑落去咁...係痛到入中間咁
因為好多年前裂過菠蘿蓋都冇咁嚴重...

呢個係比較少...如果會痺嘅時候通常係腳趾公痺上去...因為真係好少所以唔敢肯定

聽樓上看破Ching講

最初係懷疑半月板裂左...講到又話要做手術又乘...但照完CT話冇事之後基本上就係話我發炎就算...
即使我每次都講明佢哋開嘅藥食左都冇幫助...佢哋講嘅症狀我大部分都冇...當然最後都係一率被無視

檢查嘅時候按壓都冇事...但通常檢查完一段時候之後就會好嚴重咁膝頭震同痛...好似依家咁...12點幾1點檢查...我坐左陣去到2點左右開始痛痛到依家...
而且踩單車機嘅時候都係踩落個動作一多就會開始嚴重咁震...

Ok就住呢個狀況
想問下其他師兄
如果就住個痛點逐步逐步做一啲輕力會使痛感嘅復健是動作是否正確

之前：裂過2隻蹠骨 幾10年前經常跳躍都有一樣嘅TBI受傷

蹠骨最後發現係靠拉某部份嘅大肌肉，令到可以痛點小肌肉啲contract 到

Ching回應下

回咩

我唔係physio....所以我都係入黎9up下
唔做手術就係靠做復健,你講得岩,應該做D仍然會痛但未去到十分痛既動作去練返D肌肉

係啦，我就係腳趾公痺
之後就發現係椎間盤突出

搭單請教下各位
瀨左野3個月…而家上網搵緊醫生睇MRI報告！ 有無推介？

多謝哂咁多位大佬嘅建設性回覆