初頭整下圖簡單啲，咁我阿頭而家會自己拍埋片講啲產品點用，啲美容產品會一set咁去拍片介紹，通常拍完都差唔多10-15分鐘，然後要我濃縮咗做一、兩分鐘嘅介紹片
第一次佢拍完一堆片叫我自己諗點剪，冇講任何意見話比我聽點剪，好啦到我剪完一條片佢就話唔係咁剪，要轉乜轉咩加返啲圖，屌我心諗你剪之前又唔講
又要重新剪過之後佢拍完第二條片叫我剪，今次問埋佢要點剪，sd埋啲參考片比我，然後佢問我要剪幾耐，我話答佢唔到，佢叫我兩個鐘剪完比佢，我同佢講你比我啲片都成15分鐘，我又冇一齊拍又冇劇本參考又要加其他圖、加字幕、加彈字加特效嗰啲，我快手睇完剪first cut最快都可能要成個鐘，佢話我效率好慢，仲話自己識剪片半個至九個字一定剪完
咁我唔同佢嘈啦聽完佢講得啖笑，剪完又話點解唔用佢啲字呀，顏色嗰個，我話冇可能100%一樣我又唔係嗰個人，佢話佢自己都識剪片，唔好撚鳩佢，佢駁完我呢句又冇講其他嘢照收貨咁跟住頭先臨半個鐘收工前又比多條片嚟叫我剪埋先收工，我忍唔住駁返佢半個鐘冇可能剪完，最快都要聽日，佢好不滿話咁簡單嘢都要搞咁耐，我話簡單你又識不如見你剪啦咁快手，然後另一個經理見唔對路幫口話長命功夫長命做啦，我阿頭先收口
以前都遇過類似情況，所以先一邊做其他工再freelance剪片，但咁多年後情況都差唔多，而家搵緊工準備quit
