做領隊導遊1個月搵到幾多

實際收幾多我冇問, 不過個親戚話基本上係冇收入.....只係當免費旅行+食宿
佢話新人入行個個都係咁.....
至於人數, 當時話好似試過6個定8個人公司都照出團

因為用頭先條數計
10人團，五日，一個月四團=20000
仲要用當地導遊同司機拆，我當係香港導遊4，當地導遊3，司機3
咪得8000 一個月

有親戚做鬼佬商會 西文廣東話
一日 最平都2千 旺季三四千 包食
要番大陸過澳門之類再加幾千

不過外人唔洗諗 比d mix /鬼佬/婆 做晒
派到冇晒先會派比純華人

基本底薪一萬左右，然後每次出團計人頭，每個客每人頭幾十到百幾

另外仲有客人團入面畀嘅tips，同購物點分成

日本團同歐洲團收入玩法同大陸越南團有咩分別？

你上到位做到啲北歐南美非洲團做到熟路
儲到啲回頭客同當地人脈 餐廳商戶同你分佣 聽講上到六位數月入

我諗係日數同人數
仲有最緊要係日本歐洲可以撈埋代購

超正喎

同餐廳幾熟都冇用，旅行社一早deal好哂啦，點抽水

疫情前做過，但只係做到東南亞。
服務費除左要導遊領隊司機拆數，仲要交rebate 比公司，平均每客每日30蚊落自己袋，旺季一團收爆大約30人，出一個5日團袋$4500。 淡季可能得15人一團，出一團2千蚊。8個少客而又成團果d 就比freelance 帶。
無團出既日子番分行sell 團，收得愈多客下團會派得愈好。收唔夠就可能比d 4日台灣12人你。
平均2個月出5～6團，果陣新仔淡季要公司補到出最低工資都試過。又或者公司會幫你計到岩岩好過最低工資唔使蝕比你。

至於你地諗既帶歐洲團 導遊兼領隊搵好多，諗法岩既係會高好多。
現實係d 大師兄已經一早入晒線，有空缺比你入到線先講，要多客到師兄帶唔晒漏少少出黎，你又咁好彩爭得贏幾十個東南亞領隊入到線做長線領隊。同埋就算比你入到線，人地帶歐洲30人，你帶歐洲得8～10人，佢會同你講新人蝕底拎經驗，你屋企唔等錢開飯既，當免費旅遊賺錢買花帶咪ok 慢慢捱lor。
當捱到師兄走人/退休，賺大錢機會就係你架啦，d 大師兄當年都係咁捱的，都算係幾公平既。
至於代購，宜家咩年代仲提代購，早好幾年d人都仲爭住出高價收，今時今日唔係係特別版，你放得出先講啦。

呢個時勢跟團人唔多，“筍工”黎少客唔使點做又有糧出又免費旅行，應該要爭住做

Top sales帶埋條line過檔
好景嗰陣有得傾

做旅行社導遊要講到好景我諗真係要去返80-90年代
果陣報團去玩既人又多, 資訊冇咁發達....又成日要經導遊做代購買堆日本手信

之前咁岩有機會識到好多導遊
佢地有分 in班同 out班
同埋帶開歐美個啲係覺得自己好高人一等
好睇唔起所有人
啲客買勞又有佣分 玩咩活動都有得分
佢地早十年 無論歐美長線定導遊呀珍都搵好多
個個都兩三層樓 十萬個月都好閒

但自從疫情同自由行愈黎愈易就唔係咁講法

咁而家歐洲團導遊搵幾多呢？