有無人覺得，自己有「污糟野」跟住？

有朋友自細都畀身邊既人連累，

細個果時，畀唔識野既屋企人點錯路行

大個少少，問其他「睇落有見識既長輩」意見，同樣都係點錯路行

再大個D，往往直接畀朋友連累蝕錢

例如：

同朋友夾租，畀人臨尾放飛機，蝕錢

同朋友去旅行，畀人臨時改晒成個行程，白白蝕錢

搵朋友幫手賣野，可以係歷史低位蝕賣，隔一日就升返晒

而佢屋企人，仲直接問佢拎大筆錢走。

以上事件，有D係個別人士特登（當係遇人不淑），更多情況係神推鬼擁，推件事往蝕錢既方向。

@@@@@@@@@@@

我就覺得太巧合。似係有「污糟野」跟住我朋友，搞到佢唔知點解破財。

你地點睇？有無咩解決辦法？

最多都係冇運同命水唔好啫，何來有嘢跟

要先清潔乾淨

全部野都係人為
邊度有污糟野

唔好下下都屈風水/鬼神
諗下自己係咩人 就會容易識番d咩人
近朱者赤 近墨者黑 唔係冇道理

我都係公認地獄黑仔王
逢親係需要運氣既野都係會衰
認左命 腳踏實地做人算
少左好多樂趣

有防人之心 就搞掂

deep shame班柒碌就是污糟野

遇人不熟

自己問題多

又唔識推人

問下點解要聽人講？ 自己唔用腦？

因為我朋友咁多年都住好舊既樓、佢話易惹果D污糟野

神推鬼擁。

細個實會聽長輩講架啦。

長輩叫你讀好啲書考醫生，咁你有冇聽到呢類又真係做緊？

真實案例，咁多年經歷太多同樓主類似嘅種種，科學根本驗證同解釋唔到，例如所謂靈魂有人體嘅感官細胞產生運動同作用？而好奇妙好邪嘅嘢會係日常親身不斷經歷，小則例如每日拎高手望錶會出現嘅時間同數字（已十分客觀地exclude因為自己敏感凝住所以某些時間數字再出現時都是自己敏感，同自己身體唔夠休息狀態差會影響自己判斷）。大則就係樓主所講嘅例子。

當然際遇都好睇個人、性格、經歷etc，好多人好多書籍影片都會叫人努力去打破，咩原子習慣等等。
而縱觀咁多年自己係一個點嘅人都好大程度又十分取決於遺傳基因有關，點努力打破一啲阻礙同影響自己唔鐘意嘅個人個性都唔得。（先唔講acceptance 嗰啲一大抽概念嘅廢話）

試過莊香拜神，有些微變化但好多嘢依舊打破唔到

留名點睇

不是努力就做到架喎

咩「原子習慣」？

我朋友既問題是

佢自己做，親自捕處，親自指揮，係好少出錯


但係當佢拍住朋友做、Or依賴朋友做，or 有朋友參予其中，就總會出錯。

你長輩戇鳩鳩咁，教個小朋友出黎好得去邊
到長大啲完全吸收晒啲傻閪野，做啲事情/決定咪跟晒上一代囉
總結：你自己戇鳩唔好瀨有鬼，就算有鬼都係你長輩

唔認同，以我所知，佢係成功人士黎

（唔排除佢特登老點）

唔係，我要討論嘅係真正supernatural靈異嘅野

咁你覺得你個Case因為有鬼？

住舊樓個機會係大啲，但唔通10個住10個都有嘢跟咩。
你要排除唔係心理作用，有嘢跟嗰啲通常都搞埋你，生活上會騷擾你或者畀信息你，或者出現啲解釋唔到嘅現象；高靈同學法人士會見到你有嘢跟，而你事前冇同佢哋講過；之類（不過主動搵師傅可能實話你有嘢）。聽多啲靈異經歷節目。佢呢啲case打上去潘生度應該會叫佢收線。佢擔心嘅可以平平哋求啲護身符保護自己。
你要分析事主失敗嘅原因，例如首先佢長期住舊樓，家庭出身同經濟環境都唔好得去邊，可能導致佢見識有限，做人處事唔成熟等等。再嚟係佢識啲乜嘢人，人通常都係群啲同自己差唔多level嘅人。做生意本身就好易失敗，同人夾錢更加好易失敗、食埋你嗰份、再反面屈係你錯。而投資一定有升跌同風險，冇風險會好賺？唔好賺佢會押錢落去？如果佢死都唔拎錢出嚟，一出糧就放落啲穩健投資度，冇人可以搶到佢啲錢。再嚟就係搵多啲錢，噉佢就唔會咁care蝕嗰少少。有幾理解個社會？有冇好好保障自己？識唔識得拒絕人？有冇調查過盤生意有冇得做？合作人士係乜嘢人，信唔信得過？有冇講好晒點分工同分錢？有冇做好晒法律合約保障自己？有冇計好條數？社會環境氣氛係點？總括嚟講呢啲叫「醒目」，學校冇得教。然後接受失敗，人係會失敗，最重要係搵出原因。
當佢諗過晒啲「可思議」嘅嘢，然後先諗啲「不可思議」嘢，但唔代表係鬼。可能係玄學嘢，間屋風水唔好，呢十年行緊衰運，但唔建議佢去搞，因為坊間好多神棍同要使錢，不如搬屋重平。然後係，佢條命就係噉，出身係點已經係證明。可以試下用宗教方法，做下善事幫人，迴向怨親債主同祖先，祭下祖先，求下仙佛神祗庇佑，但唔好諗住呢啲幫好多，都係培養智慧同學識放下。
正視現實，運，命，但都同鬼冇關。

蠢咪蠢囉
搵咩藉口

Same