我用電話畫得唔準確,不過放大睇大家應該睇到有條類似我畫嘅黑色嘅路。呢條係氣管,同樣入面係空氣為主,都係 「黑色」嘅。仔細睇應該見到條喉經氣管到達分岔口,進入咗支氣管。咁無論條喉終點喺邊,都應該知道條喉係入氣管而唔係入食道落胃。
當然,現實唔會好似我講得咁簡單。人係立體嘅,而X光片係二維嘅。橫膈膜當然唔係只係我畫嘅一條線。
我都同意你講嘅現實中嘅case未必如我地嘅圖一樣咁易睇。但一個冇乜經驗嘅houseman,遇著一個難判斷嘅case,都好應該搵個senior望望佢。 Know you limits係所有醫護都應該要有嘅意識,因為你一個稍微無知嘅決定,往往都可以影響一條生命。