合演新晉導演梁禮彥首作《久別重逢》 鄭伊健自爆因歌手背景促成與Ian分飾角色不同階段

由美亞電影製作有限公司、香港電影發展基金及文創產業發展處出品，葉偉信及彭玉琳監製，梁禮彥身兼編導兩職，鄭伊健、MIRROR成員陳卓賢、許恩怡、蔡思韵領銜主演—新片《久別重逢》宣布於12月上映。


電影為鄭伊健及陳卓賢首次合作，而參與過多部票房口碑鉅作包括《殭屍》、《葉問》系列及《殺破狼．貪狼》及等編劇工作的梁禮彥為本年度新晉導演，故事受導演自身創作時所遇的迷茫所啟發，而故事主軸關於一位音樂人面對創作瓶頸，選擇逃避而展開的一次療癒旅程，道盡人生在不同年齡階段的種種期盼與遺撼。


《久別重逢》由開拍至今一直保持低調，旨在讓觀眾創造想像空間，隨著電影檔期確定，電影公司逐步揭開角色之神秘面紗，是日先行發布兩位男主角之前導海報及預告，伊健剖白二人之神秘關係：「呢部戲有兩個蘇昇華，一個係年青版，另一個就有一番經歷。蘇昇華呢個角色係比較內向，出身於長洲，佢好彩地遇到一個女仔，從而令自己改變，但係因為某啲原因大家又分開咗，蘇昇華從此好似失去咗一樣野，然後繼續自己嘅人生。」伊健透露之女角由許恩怡（Natalie）所飾演，Natalie在片中則與Ian飾演年青版蘇昇華在長洲這個純樸小島共渡一齊個青春歲月。


提到今次因電影而結緣，伊健大爆原來跟二人的歌手身份有密切關係，他表示：「演出蘇昇華呢個角色，同Ian有密切關係，一來大家都演同一個角色，二來大家剛好都有歌手呢個身份，加上Ian懂得樂理，好適合演創作人呢個角色。另外，今次電影搵左我音樂上合作無間嘅好朋友陳光榮參與電影原創音樂部份及提供意見，所以，拍攝時候就更事半功倍。

而飾演年青版蘇昇華的Ian則透露：「今次我嘅角色係一個好鍾意音樂，但係好似唔識其他嘢嘅人，不善言辭，唔識表達自己。將自己嘅情感同相法放哂喺音樂度，好細個就立志做一個音樂人。」Ian更坦言角色或多或少有自己一部份的影子，他指：「呢個角色同自己有少少相似，大家都唔係太喜歡說話，想將自己嘅想法，擺喺歌曲同旋律入面，唔係好主動好直接咁同人講出口。

除了專注演出，創作上一直不遺餘力的Ian今次亦帶來自己的電影作品參與創作，Ian透露：「其實同導演梁禮彥有好多討論同交流，因為好多情節係需要自己參與好多，包括插曲是自己寫，當中有些情節係需要彈琴或者彈吉他，由自己去諗點樣彈。」而電影歌曲《Tides》亦於前導預告中首度登場，由Ian身兼四職，擔任主唱、作曲、編曲，並與AP潘宇謙共同作詞，相信是今年度最全能的電影新演員，敬請密切期待電影年底壓軸上映！

《久別重逢》故事講述，那年盛夏，少女夏文萱（許恩怡 飾）和少年蘇昇華（陳卓賢 飾）因一張唱片遇上大家。年輕的他們最想知道，這清澀的愛情能走多遠⋯⋯轉眼數十年。已成音樂人的蘇昇華（鄭伊健 飾）陷入人生低谷，逃避一切，卻在醫院偶遇重逢舊愛夏文萱（蔡思韵 飾）。夏心痛眼前人變化如此，惜她被病困，已是人生終章。

https://youtu.be/SKDIUeQO1ok

31歲陳卓賢>56歲鄭伊健

20歲許恩怡>30歲蔡思韻

蔡思韵咁快已經去到做伊面,城城嘅舊情人/老婆

伊麵呢幾年拍嘅戲都好伏

夠唔夠劉華伏

究竟伊麵係NETFLIX套百萬人推理幾時會上, 又年頭講到年尾

(no offence)
【翡翠樂壇】年代

如同 共產黨 實施 一孩政策般

翡翠台 有效咁控制歌影視芸人旣供應

結果造成自千禧年至今

「來來去去果凢𠆤5,60歲港產片男主角」

旣局面

苑瓊丹細過黃子華都做佢姑姐

計埋產量伊麵伏過劉華好多

咁蔡思韵依家都仲係靚喎

伊健,城城都仲靚仔既

蔡思韵個樣太老同成熟 之前仲以為佢大過劉少少

56 vs 30, 做父女都得

信得過葉偉信啲班底, 套戲差極有個譜