改裝車好危險

其實無人答到 你話改裝危險, 唔可以話錯, 但都唔可以話正確

立法會十七題：推動汽車零部件市場的發展
https://www.info.gov.hk/gia/general/202401/31/P2024013100307p.htm

吳傑莊議員的提問

（一）有否統計，過去三年，每年（i）警方就非法改裝汽車的執法行動及檢控數字（包括扣留車輛檢驗及票控的數字），以及（ii）有多少宗嚴重交通意外及事故與改裝汽車有關，並按意外原因列出分項數字；有否研究，改裝汽車是否導致上述交通意外的成因；

署理運輸及物流局局長廖振新的書面答覆：

警務處審視及分析整體交通意外主要成因，並未有個別統計涉及改裝車輛的交通意外數字。警務處會繼續以專業、審慎和負責任的態度執法，打擊非法改裝車輛以保障道路安全。

改裝車其實唔危險
危險係有班人揸改裝車亂飛

Tesla司機夠危險
幾時禁埋Tesla

裝車cam法律上都係改裝

其實以宜家7年驗車嘅要求，只要改得啱，其實係「合法」。
例如改鈴唔好突出車身，大鮑魚你冇搭橋，改催化唔係直出，避震又冇睇係咪原廠。
呢啲灰色地帶，唔好玩串，其實冇乜事。

當然可以參考德國嗰套，就係車主同運輸署登記所有改裝件，再睇下合唔合乎道路安全。而另一方面啲改裝公司亦有申請許可證係過到驗車嘅。不過要咁做，又係要時間，人力物力。

差佬要勾 你新車喺車廠拎出嚟都可以勾
大時大節同澳門賽車之前就大型勾車
波子都照勾 理鳩你

冇影像顯示好似唔計

上面講緊推動汽車零件市場上嘅發展，要發展就係要立法去定義咩叫安全同合法。
你着眼於執法，點樣行使職權同後果，有少少錯重點，因為呢個係另一個後續題目嚟。


再者，你估我未聽過google睇相定奪係咪原裝，GT3RS因為隻原裝翼俾人勾咩。下下斟酌喺呢啲人治多過法治嘅問題，你知我知單眼佬都知，呢個問題冇可能解決到架啦。咁可以點？自己小心啲玩囉。

香港
我唔識車~有咩勾番驗車中心等驗車官睇


日本
唔好同我拗~我地即場同你拉尺度聲

德國佬汽車大國同埋玩車文化濃厚，連貨van收工都去Nurburgring砌返個圈，再加上佢哋多改裝行業都養唔少人，人哋政府當然唔怕麻煩。
香港政府見你玩車已經當你係爛仔，一個連賽車都唔視為正規運動嘅地方，點會用咁多精力幫你搞合法改車

我明白香港地玩車係難，亦因為社會風氣而令好多嘢都好難推行，甚至有好多所謂活動都搞到衰咗(RallyX)。

但難得立法會有呢啲議題攞出嚟討論下，香港人往往就係第一下就負評再自負一下先。唔係要你天真嬌正面撚咁諗去改變世界，而係可以正常討論一下，提出下有咩可以做到可以參考？

同埋改裝唔一定為左快
貨車有好多安全設備可以裝
泊車射燈, 多角度鏡頭, 防撞提醒/ 警示之類
但現時香港法例都算非法改裝

另外好多貨車原廠包好多安全OPTION
但黎香港因為要打稅, 香港落地就變齋版

唔講玩車, 用搵食做工程講

好多改裝令到工作效益更大同更安全
但香港法例唔俾你咁做

外國衝鋒車VAN做全通貨箱
就係希望停車時, 司機跟車係車內執貨揀貨
減少企出馬路機會減低危險
係香港就話危險要做永久隔貨網

你睇下d快餐車改一改要幾錢仲好啦。

電車咪仲危險
班mk改黎改去都未必快得過model3

危險既係人，並唔係架車囉

你揸把刀可以係切生果
有啲人係可以用嚟斬人

其實仲有唔少人覺得乜賽車賽馬都係運動嘅咩？
咁嘅心態，再加自私覺得你地想賽車賽馬賽乜都好，點解要嘈到我等等⋯
搞一壇嘢一堆人投訴，咁咪索性唔好搞

其實成個產業鏈幾撚好搵
成架車咁多消耗品，無事無幹淨係車呔燃料都會消耗
有咩碰撞又要比錢換，機器又定時要比人跟
人工料錢不知幾好計
仲要啲零件一定係入口，又救埋物流船運
唔搞咪一齊坐低躺平

政府就官僚作風
班官個諗法就係谷經濟, 你叫我做A
A我就做左啦~ 唔得唔關我事~ 糧我就照逗

夜繽紛做例子
夜繽紛夜晚7-11點呢個時間無特別
但再夜D去到無公共交通時間
一定係有車階級撐起

私家車, 的士, 貨車之類
佢地唔受公共交通服務時間影響之外消費力都高

但你就出動差人去抄牌勾車
試過俾人引蛇出動之後唔會再中計

唔係唔想討論，而係已經放棄咗
以前都仲話有kart場，同埋禮拜日可以去石崗玩吓autocross，維園搞karting都好似有試過。依家乜撚都冇，人哋進步香港就退步，好難有希望

幾乎全原裝

又諗起差佬摩車頭

放棄係正常的，眼見AA會班老屎忽坐成世，都係柒下柒下咁，又冇人接手，真係冇嘢好講。大家小市民，能力範圍內做到有限，但起碼做好自己，改車唔好亂飛，唔好嘈到民居。同啲非汽車愛好者傾開車，就唯有講返正面嘅嘢俾佢聽，唔好令佢地對車嘅壞印象加深。

香港人宜家比較易玩到嘅，可能就係港車北上揸自己車上大陸賽車場碌兩圈返落嚟，係有啲低能，但起碼叫做爽過，同埋改嘅嘢可以真係試到。

基本法夠寫明言論自由啦
執法個班點做你吹得佢脹咩
原裝都勾問你死未

唔關事
香港係已經去到原裝色都照屈你改色
要搞到豐田出信去證明先至撤銷得到