【2ch文連登式演繹】兵變？日本網友講當宅圈公主遇上真宅女

姬「sorry啊～我遲咗～...」
好似平時咁對遲到一啲歉意都冇咁講sorry嘅公主嚟到
真真子「啊 hello打搞晒喇」
佢哋互相都有見過面 但都只係見過面咁多 真真子只係好普通咁打招呼 但隻姬嗰個咩都講唔出嘅樣我都而家都重好記得
A「呀呀 係我叫佢嚟嘅！傾落知原來佢都有玩唔少console game！」
姬「哦～...啊！我知呢個啊！「咁嘅裝備得唔得㗎！」嗰隻game丫嘛！」
真真子唔知係唔係想當佢唔存在咁 將話題轉返去game度
比着平時就會有人走出嚟「係呀係呀 呢隻game呢就」咁講解嘅...
C「帶呢種裝備嘅話萬無一失啲...」
真真子「不過咁嘅話敵人又會...」
D「唔係呢都係...」
但大家已經同真真子傾得好投入

公主哈哈

咁都冇計

#106
到底邊個靚啲啫

就係咁 唔知係唔係因為同平時嘅反應唔同所以公主心情好唔靚
咁樣對玩得興起嘅大家都唔好 所以我就同朋友E走湊佢
但係...

「嗰個女仔會唔會串咗啲」
「娘到死」
「樓豬你識佢嘅？做咩帶佢嚟喎」
「我只係想同平時嘅人一齊玩」

咁樣不斷呻
我就同E係咁安慰佢 講只係今日係咁啫

>>106 差唔多

對同性係咩態度就可以知一個人係點
我成日都覺好奇怪點解可以對住呢啲所謂嘅公主

之但係因為呢次後真真子就開始參加我哋嘅聚會
唔只格game 對其他game都係認真派嘅真真子都同RPG迷嘅朋友B、動作gamer嘅朋友C都friend咗
唯一佢冇涉獵嘅音game 朋友E都好努力咁諗住導入玩音game
另外 真真子重識得畫畫嘅添
所以佢同有做開同人活動嘅朋友D都傾得埋 唔覺唔覺咁成為咗我哋嘅中心人物
喺真真子加入嘅幾個星期後 真真子嘅女仔朋友（唔係格game迷但都係game迷）都加入埋我哋嘅圈子 令到我哋個圈變到好熱鬧

而隻姬嘅處境就愈來愈突兀

多數都係啲宅圈公主發狂
留名跟進

後續快啦

有冇三行佬？ 原文寫今北產業 諧音剛剛嚟到要求3行字概括

喺真真子嚟咗後公主成日都LINE我搵我傾
內容係
「我係唔係生得唔夠可愛啊」
「呢件衫我前排買㗎！襯唔襯啊？」
好明顯係attention seeker想搵人抬下佢
比着以前除咗隻姬外冇女性朋友嘅我嘅話就會好hyper咁長文回覆佢嘅
但自從同真真子同佢朋友玩埋後我開始覺得呢啲都幾煩膠 所以變到基本上只係短文回覆佢就算
間中佢唔happy嘅話就會打畀我講「你咁樣對女仔唔得㗎！」咁走嚟噴我
之後聽返好似其他人都試過咁樣

煩撚到呢

睇緊㗎快啦

屌啲臭姬真係麻撚煩

扒「你咁樣對女仔唔得㗎！」

就係咁隻姬不斷拉緊仇恨值嘅時期 就有呢件事發生

我哋成班諗住連同真真子同佢兩個朋友去某隻game嘅聖地巡禮
呢個旅行plan大家都情緒好高漲
除咗可以同女仔去旅行外 對去聖地巡禮呢樣嘢本身都好hpyer 成個group洋溢住一片咁嘅氣氛
個聖地係一個幾鄉下嘅地方嚟 而且冇玩過嗰隻game嘅公主就一直都冇咩好嘅表情

如果隻姬識閱讀下空氣嘅話個trip應該都會幾開心

隻姬唔去咪得囉

我都有少少同情唔明聖地巡禮有咩咁好玩嘅公主

明明又唔係真係咁鍾意但又專登一直喺度 睇怕佢一開始都係諗住走嚟做公主收兵啦

係唔係靜岡呢？

今次個case就話樓豬班人係靚仔就話啫
宅group多數都係一班樣衰毒撚多㗎啦
同啲柒毒調情到底對個所謂公主有咩好處

原來真係有呢啲公主㗎 我到而家都唔係好信

去到當日 喺大學嘅停車場度我同B先到等大家嚟
我揸嘅係二手私家車 B就揸新嘅輕型車
我「計我話普通車點都好揸過輕型車！」
B「你都傻嘅 就算細架都好 新車點都好啲啦！」
就喺我哋講緊車經嗰陣其他人都嚟到
之後只係等真真子都嚟就齊人 然後就有一架好殘舊嘅細van駛嚟
我重諗「係唔係有農民行錯路入咗嚟...」
點知架車就喺我哋前面停低
真真子「唔...唔好意思要你哋等...」
真真子面都紅晒好尷尬咁落車

而家諗返起 真真子一直都「我架車唔係幾見得人...」咁對出車有少難色咁

van仔都唔錯丫
冇扮晒嘢嘅真真子幾好

咁又幾可愛

真真子呀呀呀呀呀

我彷彿見到公主喺度偷笑...

重未有後續

即係公主要坐van仔...

快啦快啦

真真子喺我個腦入面自動用EVA個真希波代入咗 我好興奮



我好興奮呀

我嘅話
真真子：海月姬嘅能年玲奈
公主：井本絢子

咁嘅車有冇問題？