［本地籃球］銀牌終極一戰/不是天塌下來/造成浪費資源 討論區（17）

nba stopper 驚西

睇曬版啦 你估tryout柒仲會簽咩
港隊最近兩場都夠佢收唔少好offer

永倫淨係贏建龍3分？咩料

你睇個外援攞幾多分咪知

仲記得前幾版有Ching 話福建先係big4
原來真係

師兄上年嘅圖今年都啱用

本地賽事：
10/2024 - 02/2025: 甲一聯賽
三人籃球聯賽冠軍：滿貫
銀牌賽冠軍：永倫
常規賽冠軍：東方

四強
1 東方 vs 永倫 4
2 南華 vs 福建 6
比賽日期： 16/1, 21/1, 23/1

第五名
3 滿貫 vs 漢友 5
比賽日期： 11/2

名次賽
7 晉裕 4分
8 飛鷹 3分
9 晉龍 2分
10 飛馬 1分

比賽日期：
15/1
1900 晉裕 vs 建龍飛馬
2040 崇德飛鷹 vs 晉龍WTS

其實唔一樣
朱蛇起碼有頭4

東方又黎臨尾俾人追

同領航猿生死戰了

本地賽事：
10/2024 - 02/2025: 甲一聯賽
三人籃球聯賽冠軍：滿貫
銀牌賽冠軍：永倫
常規賽冠軍：東方

四強
1 東方 vs 永倫 4
2 南華 vs 福建 6
比賽日期： 16/1, 21/1, 23/1

第五名
3 滿貫 vs 漢友 5
比賽日期： 11/2

名次賽
7 晉裕 7分
8 飛鷹 6分
9 晉龍 2分
10 飛馬 1分

15/1 1900 晉裕 99-95 建龍飛馬
------ 2040 崇德飛鷹 81-61 晉龍WTS
26/1 1710 晉裕 vs 崇德飛鷹
5/2 1900 晉裕 vs 晉龍WTS
----- 2040 崇德飛鷹 vs 建龍飛馬
13/2 ---- 晉龍WTS vs 建龍飛馬

本土MVP x 年度最佳陣容 - 曾湛元 (南華)
同甲一官方認證嘅唔同，喺呢度定義為本地MVP嘅就係能夠代表港隊嘅球員

元仔喺羅意庭退休，余理洋離隊之下，正式擔起球隊大旗，佢嘅表現可以用成熟嚟形容，唔單止幾乎贏得銀牌冠軍，喺聯賽對永倫嘅超遠3分絕平亦都盡顯功價，絕對係實至名歸嘅MVP

外援MVP x 年度最佳陣容 - 泰拿 Tyler Kepkay (永倫)
當本地MVP被定義為能夠代表港隊嘅球員，自然地外援MVP就當然就係一班唔能夠代表港隊嘅球員

如果係呢個定義嘅情況之下，我認為實至名歸嘅就只有一人，Tyler
37歲嘅佢嚟香港12年，亦都喺香港打咗九個球季，好多嘢都變咗，唯一冇變嘅就係佢蠻不講理嘅得分能力

但係今年佢好難得遇見佢熄機嘅時刻，銀牌決賽，受到南華嚴密防守之下，加上受傷影響，喺第三節僅得2分，佢喺第四節大發神威豪取14分，當中包括最後階段嘅3分插板絕殺，然後第二場豪取30分14助攻，帶領永倫打破六年錦標荒

去到聯賽雖然贏輸均半，但係佢嘅拎分佢係永倫就算輸波都能夠同其他對手打到最尾嘅關鍵，所以佢絕對係一個實至名歸嘅MVP
都係一句，依家嘅佢睇一場少一場

年度最佳陣容 - 湯馬士 Josh Tomasi (晉龍)
你望住佢喺晉龍打，我諗你都只會想講一句，辛苦晒

坦白啲講，以勝率去計，就絕對唔應該將湯馬士考慮在內，但你真係有睇佢打，就知佢一定要入，係一勝難求嘅時候，就係佢一人carry隊波，去到後尾，都總算等到隊友上力，晉龍贏到兩場波，當中一場要以下犯上，擊敗頭號黑馬福建

唔知晉龍留唔留得住佢呢，因為佢絕對值得去大隊，理應出手，特別係滿貫

年度最佳陣容 x 最佳防守球員 - 安德拉 Tha Andela (南華)
通常外援分為幾類，第一類就好似Tyler一樣，做球隊核心發揮穩定，然後能夠喺關鍵時候拎分，另一類就好似佢咁樣，就係一個超級工兵外援
經常你話要佢carry隊波就一定唔會睇到，但係佢會幫你做好啲防守，佢會幫你搶好啲籃板，佢會幫你卡位，基本上佢一個人幫你做晒，而其他球員就可以輕輕鬆鬆孭起得分責任

年度最佳陣容 - 麥洛連 Chris McLaughlin (東方)
最後一個位，係屬於佢同蓋帝斯之爭，你睇佢哋兩個，數據其實都差唔多，對球隊嘅影響力都係差唔多，麥洛連打少啲但贏晒，但蓋帝斯打晒，但係輸咗四場。將戰績因素考慮埋嘅話，麥洛連都係比較優勝

遺珠 - 蓋帝斯 CJ Gettys (永倫)
今個夏天最意外嘅轉會，上年一柱擎天嘅MVP竟然由滿貫轉投永倫

雖然個影響力冇上季咁大，但係考慮到角色嘅轉變，你就會發現佢喺內線嘅威力並未有減到多少，佢同Tyler嘅連線絕對不下於同賀斯福嘅連線

今年永倫能夠打破六年嘅錦標荒，佢都絕對功不可沒

遺珠 - 蔡再懃 (滿貫)
佢應該係滿貫成季唯一亮點啦，唉

最佳第六人 - 周迎堅 (永倫)
當永倫迎嚟三巨頭嘅時候，第一個改變角色嘅就係阿堅，佢願意退居替補，俾新加盟嘅余理洋打先

但係只要佢每一次出場，佢都能夠串連起永倫嘅攻勢，喺球隊亂嘅時候，佢嘅控場令到球隊定咗好多

球隊一連串輸波嘅時候，有好多球迷慨嘆，球隊絕對唔能夠冇咗阿堅，佢未必再能夠大幅得分，但係佢在陣係絕對能夠定到軍心嘅領袖

最佳教練 - 羅意庭 (南華)
今年退役嘅佢，便立刻接手主教練一職

喺銀牌賽嘅時候能夠帶領南華殺入總決賽，基本上只係差3.8秒就能夠帶走冠軍，可惜最終失落而回，而佢嘅用人策略亦都受到球迷猛烈批評

但係入到聯賽嘅時候，佢嘅用人亦變得大膽得多，好多喺銀牌冇機會嘅球員喺聯賽都有一定嘅上陣時間，而佢哋好多都能夠交到功課而回，喺限米煮限飯嘅情況下，佢帶南華拎到聯賽亞軍都已經係超額完成。最佳教練可謂實至名歸

最佳新秀 - 曾朗謙 (晉裕)
第一年打甲一嘅，佢就已經係一個潛力新星

對永倫同南華，都能覺得分上雙，亦都完勝其他同樣喺今年登陸甲一嘅新秀

我諗佢係最少嘢食嘅一個，但同時都係最毋庸置疑嘅一個選擇

最佳進步獎 - 黃浩賢 (飛鷹) / 韓天次 (永倫)
兩者嘅進步係屬於兩類型嘅進步，前者係屬於數據型嘅，由東方轉投飛鷹嘅佢，就即刻拎到正選位置，而且孭起球隊另一個得分重心嘅責任

而後者嘅進步係屬於角色轉變上嘅進步，由上年只擔當射手嘅佢，今年唔單止多跑籃底，亦都同時加咗唔少持球嘅工作，得分嘅招式多咗，佢嘅得分亦都多咗，喺重奪銀牌上擔當重要嘅角色，雖然喺聯賽初期有些少撞板，但無阻佢喺季尾找回佳態，雖然永倫喺季尾嘅比賽多數都係險勝而回，但係如果險勝係能夠令到佢找回狀態而且孭起球隊得分角色嘅話，我相信都係值得嘅，希望入到季後賽會keep住

當兩個選擇都難嘅時候，自自然然就會比一個答案：Why not both?????

會有人問，點解啲獎項多數都係圍繞着紅黃兩隊？咁藍綠呢？但我又到返轉問，一對波多線作戰令到球員無法喺聯賽上陣，另一對直頭連季後賽都入唔到，有的確能夠說服到我比獎項呢兩隊波咩我相信我嘅評核都係經過深思熟慮而決定

特別號碼: 金草莓MVP - 米勒 (滿貫)
呢位球員八月嗰陣就已經嚟到香港，但係去到10月先首次上陣，事情必有溪曉

當佢第一次上陣嘅時候，佢嘅表現都仲算亮麗，甚至對永倫嗰陣都如是，但佢對東方對南華嘅時候，就展現出佢完全唔係頂級外援水平，唔能夠好似Tyler咁一人改變戰局，亦都唔係好似安德拉呢啲超級工兵角色，更慘烈嘅係，喺對南華嘅關鍵時候，徐仲毅選擇將佢擺喺板凳上面，咁你搵呢個外援嚟做乜嘢？

對永倫嗰陣串過馬撚，但對東方南華就廢過碌撚。永倫就算點柒都入到季後賽，依家你入唔到季後賽，唔知係邊個笑邊個呢？

仲有我想講你哋啲譯名真係好撚柒，乜撚嘢米勒，台灣譯名嚟？可唔可以用返個純純淨淨嘅香港譯名？唔好走來學埋啲咩台灣隊嗰啲譯名啦

特別號碼: 金草莓教練 - 徐仲毅 (滿貫)
喺呢個旅程入面，剩係得外援一個人有責任咩？我肯定呢個失敗，教練都應該計埋一份

淨係睇成績，佢絕對係金草莓教練，睇埋用人調度，就更加係一個金草莓教練，最好嘅例子，就係李琪上陣時間大幅下降，我諗佢就算狀態點差都值得一啲上陣時間啩，上場波，歐陽維江連大名單都唔入，對佢嚟講都真係飛來橫禍

手握住Ricky 吳松峻 Duncan 懃呢啲喺香港頭20嘅球員，但連季後賽都唔入，唔係你當選仲有邊個？

東方無Chris

堅叔呢球靚到呢

走撚哂步

永倫球迷 好多都係痴線

霍家銘可唔可以收嗲 煩撚到

係咪PBA嗰面換咗一次之後冇得換返奇勒

永倫贏咗
東方齊人？

唔齊，雙鬼有出

冇

屌 希望永倫贏埋下場 對南華嘅話真係有機贏甲一

除非受傷，否則唔換得