英媒：倘若解僱坦哈格 曼聯將扶正雲尼斯達萊

　　英國傳媒報導，倘若曼聯決定解僱主帥坦哈格 (Erik ten Hag)，球會將會扶正名宿兼助教雲尼斯達萊 (Ruud van Nistelrooy)。

　　坦哈格去季季末一度面臨被炒厄運，但一座足總盃冠軍成功挽留其帥位，獲續約留隊的坦哈格更在夏天邀得其荷蘭同胞雲尼斯達萊任助教。然而，曼聯開季成績不振，令英力士集團已重新審視坦哈格的去留。

　　英國《每日鏡報》指，如果坦哈格離任，曼聯將會向雲尼斯達萊開出一份臨時領隊職位的邀約。但據了解，他未必會接受曼聯的邀請，因為這名「禁區之王」不想被描繪成機會主義者。

　　四十八歲的雲尼斯達萊早已有執教一綫隊的經歷，更曾帶領昔日成名地燕豪芬勇奪荷蘭盃冠軍。今年夏天，有主帥甘賓尼 (Vincent Kompany) 轉投拜仁慕尼黑的英冠球隊般尼曾經接觸雲尼斯達萊，雙方更已接近簽約，但他最終寧願返回曼聯做副手。僅在兩個多月後，坦哈格就命懸一線，雲尼斯達萊難免擔心自己「坐正」會予人早已覬覦帥位之觀感。

　　英國權威《衛報》在雲尼斯達萊出任助教後不久就曾經報導，他的管理及訓練方式均獲球員好評，甚至已不時代替坦哈格主持操練。但由於他在執教燕豪芬期間曾被助教背叛，令他憤而離隊，兼對處理球隊事務非常謹慎及有原則，故相信他不會輕易接受曼聯的帥位邀約。

　　曼聯大班主、英力士集團董事長拉傑夫 (Jim Ratcliffe) 週日亦有親臨維拉公園球場觀看曼聯比賽，但「紅魔鬼」再一次未能取勝。

　　如果雲尼斯達萊不肯接手，曼聯有可能邀請前英格蘭國家隊領隊修夫基 (Gareth Southgate) 上任。愛華頓同樣有意聘請修夫基代替主帥桑恩戴治 (Sean Dyche)，但據悉這名高薪統帥希望等待曼聯的邀請。

今次出面吹得好堅，應該要落鑊了

都係荷蘭人

堆阿積士廢物應該都未反住

未反架？

此po已完

雲佬坐正第一樣會做嘅係偷偷將自己註冊返入球員陣容裏面

如果係都幾仆街，請佢番來就係想改善前線把握力問題，而家做唔到嘢搞到主帥被抄反而有得上位，真係爽

真心無知一問
呢個教練主要負責咩
其實隊波所有地方都冇進步嘅話揾翻教練團入面其中一個人頂會有改善咩
唔係太識足球教練團點運作

細恩都拒絕黎啦

咪一鳩樣.jpg

"獲續約留隊的坦哈格"

管理層最鳩係呢樣野
同理文一樣

邊度吹得好勁

由於他在執教燕豪芬期間曾被助教背叛

有無details？

坦克教得衰 個助教冇責任？

擺明坦問題大d
上季咪又係成pat屎咁

再輸先炒啦

佢樓下公園

他的管理及訓練方式均獲球員好評
即係訓練夠hea, 球員好鐘意？

曼聯只風水唔好，球員實力不嬲都唔係大問題。
呢啲情況一係改名一係搬球場先有用，炒人嗰啲都係做吓樣交功課，安慰下班董事同球迷。

如果我係安東尼，我都開心

冇坦克，佢都冇咁高身價咁高人工

咪撚走呀
搞到隊波奇奇怪怪之後就想鬆人拎解約金?
留到你季尾先再處置啦

搵助手坐正點解唔搵麥卡倫？明明麥卡倫連荷甲都拎過