林盛斌今日在IG發帖，分享自己有一晚為周年晚宴擔任主持，開場不久，西褲發生了意外，拉鏈突然「爆軚」。原來打算趁嘉賓表演時，落台思考該如何處理，及後其助手提議了多個方案給林盛斌選擇，例如用膠紙、釘書機為西褲修補，惟最後林盛斌的索腿經理人「出手」相助。
林盛斌大讚索腿經理人冇得頂
林盛斌續指：「索腿經理人唔知喺邊度變咗啲針線出嚟，諗都唔諗就馬上幫我聯返好佢。」林盛斌同時上載了當時修補西褲的事發圖片，依圖片所見，經理人跪在地上，與林盛斌所處的位置極度尷尬。難怪林盛斌都要上載千字文解釋，他表示：「我諗你都會好奇點解唔除咗條褲去俾佢搞呢，係因為我嗰條西褲呢，係好窄嘅，如果除咗出嚟俾佢聯返好咗之後，我係絕對着唔返條褲嘅，所以由嗰一刻開始去到完show，我係冇得屙尿嘅。」林盛斌在留言大讚經理人處理有良方：「呢個經理人，Kaman，絕對係冇得頂嘅」，惟同時表示，笑指懷疑攝影師應該是想勒索他。
