其實一個人去日本旅行真係好撚痴線

每次去日本都係一個人去
除左食野之外, 其實其他野無乜野大問題

的確, 一個人去日本, 如果遇到問題, 個人唔夠硬淨
果一刻心情係會好崩潰

我以前講過, 第一次去日本, 完全搞唔掂佢個地鐵系統
轉線時, 又要出閘上地面行一段路, 去同一個站既另一條線既入口
而坐過左站既時候, 倒頭車未必會係上一個站

我第一日去日本既時候, 上面既野全部到踩中哂
果一刻係地鐵度, 爭少少就喊出黎
不過得自己一個人, 喊係解決唔到問題, 果一刻我同自己講, 唔會再自己一個去旅行
好彩我係買subway day pass可以無限搭, 所以最後只係浪費左十幾分鐘, 就解決問題

到第二日開始熟左之後, 遇到既問題就越黎越少
而且想去邊就去邊, 經過間鋪, 想食就入去食
某日行程去到大半, 突然唔想行, 就兜去超市買野, 返酒店開大餐
沖完熱水涼, 著住件浴袍
一路睇住電視, 一邊食野, 一邊飲酒, 雖然聽唔明, 但好爽