甚至係Mirror入面最冇存在感既人
但其實佢係一個努力、求上進既人
當佢知道自己唱歌唔掂，所以專心向戲劇發展，想闖出自己既一片天
其實佢都冇揀錯，佢演戲方面係有天份，而且都生左一副「演員臉」，係適合向戲劇發展
可惜可能受限於個團同公司發展方針，始終冇太多發展機會
冇電影既擔正機會，只能夠拍下啲受眾面細既viu劇，冇機會接觸大範圍既受眾
連最有noise嗰套大叔的愛都只係做配角，反而上弦主角Edan AL就更加爆紅，正宗富者越富既現象
音樂上佢都有落心機，有去改善唱歌
有留意Mirror既人都會感受到，其實佢唱功比起初出道時係有進步
喺下弦入面進步速度僅次於Jeremy
所以都嘗試謀求音樂上既發展，成為第8個出solo歌既成員
可惜第一首solo歌卻被部分人指消費家人、搏同情等等
唔係好多人真係關心佢音樂上既effort，或者作品本身
人氣方面
其實佢既形象不嬲比人感覺都係老人組嗰邊
但佢選擇埋「細仔組」堆，可能諗住為自己仕途增值
其實呢個想法都唔係錯，咁多年後 事實證明下弦圍爐只會更下弦
反而Jeremy Stanley兩個埋上弦堆既人，可以慢慢躍升到下弦1、2既位置
甚至有人話Jeremy已經取代AK上弦6既位置
Alton Lokman Tiger Frankie呢四個簡直係最好既負面教材
一班不思進取既人圍爐，又點會向上？
可惜Stanley就算成功埋上弦堆，比人感覺都係上弦既跟班，比人格格不入既感覺
唔計Jer既話，佢比起上弦最大既AnsonLo都仲要老5歲，加上佢本身個樣老成
人地個個都韓風+偏童顏，就顯得佢好odd
所以點解次次講起上弦team，或者「應駿安徒生」
永遠都冇Stanley份，比人miss out
同埋睇得出佢係在意上下弦排名呢樣野
我唔識點講，只可以講有啲野真係整定左 冇辦法
但佢已經憑自己努力，令自己立於Lokman Alton Tiger Frankie之上，努力始終係會比人見到
人最緊要比到自己交代就好，自我交代以外既野就係聽天，得到係bonus，得唔到都無須強求
希望佢可以放寬心
總結黎講，Stanley係一個努力同有上進心既人 同埋係有腦 識投資既人
但好多野都整定，係講天時地利
就算幾努力，有啲野可能都係永遠突破唔到
所以我稱佢為Mirror最悲哀既男人
