【風陀兒過後】高雄 Live

台灣解除所有風球當日到達高雄

未落機已經見到算好天

機場冇乜人，但我班機就爆晒，排1個人就入咗境。

班機原定9點半到達，我9點9已經落到捷運，不過等車就耐，因為廿分鐘一班車。




原定計劃全部因颱風改晒，去外島冇船，渡假屋要取消，好在係去到先俾錢，經 Agoda book 都冇事，亦同渡假屋聯絡過，嗰邊都覆到我，仲多謝我嘅關心。

疫情前嚟過住高雄85嘅民宿，呢次就直接踩過去搵，唔網上book.

捷運直去三多商圈站，出閘後就搵咗間冬甩鋪飲咖啡食早餐。



出到路面，風後嘅高雄都唔係想像中咁，未飛之前又話好多地方停水停電又水深及膝，出到去地下搵水浸痕跡都冇，會見到不少斷咗嘅樹枝或招牌，但好多都集中晒，唔會滿目瘡痍，比當年山竹後嘅香港好好多，台灣人成日話自己個政府垃圾，呢個風打幾日，高雄個市况都仲好過上年天鴿之後嘅香港。

去到高雄85，好似少咗好多民宿嘅鋪頭，得一間開門，直接問兩晚幾錢，星期五晚冇咁貴，星期六就貴啲，向內街同向海爭400台幣，都係揀向海算，但得番一間得。

3800台幣兩晚嘅海景炮房




俾多400台幣就係買呢個 View, 對面旗津，但今日（即係噚日）海路仍然冇船到。

酒店3800台 個裝潢咁娘

所以咪得呢間冇人book, 中午前去到有房俾我。

第一晚係千幾台幣
第二晚係兩千幾
加埋3千8

巴打想問吓，高雄自駕方唔方便
i.e. 多唔多泊車位？ 交通會唔會好塞？