隔離屋搞到成條走廊都係蝨可以點部署

是咁的，上星期番工已經見到電梯大堂好多無包好既垃圾係度，佔左差唔多半個大堂既位置，而且不時已經見到地下有d不知名既昆蟲走出黎，開頭都無為意諗住通知管理處快手清走佢就算

之後收到風隔幾個單位個阿婆入左老人院佢屋企人清佢d垃圾所以搞到成個大堂都係，到早幾日開始發現一到晚上佢個單位門口，地下都有大量既跳蝨同蟲(牆10幾隻，地下多起上黎20隻up)，而且因為佢個單位係走廊最出果個所以每次行過都無得避一定會見到（我個單位最入）

呢2日已經開始用DE粉鋪走廊下同噴牆加殺蟲水做隔離,但佢對面同隔離果個單位好似已經入左十幾隻入黎，依家同管理處講又話幫唔到手,要通知番個老人家屋企人搞

依家除左隔幾日出去再鋪過晒DE粉之外可以點搞，依家成條走廊果幾家人都已經搞到人心惶惶日日Whatsapp係度報告災情，如果真係有蝨入屋搞到要滅蟲等等其實有無得索償

民事告到下年得雞碎咁多真係驚唯有滅蟲公司

除左防經走廊入
仲要防經窗入

隔離同隔籬唔撚識分

屋企有貓唔會開窗應該唔駛擔心

起碼唔係床蝨，係就仆街

依家個源頭係佢屋企就算依家搵左都係治標不治本

我見到走廓既應該係床蝨跳蝨仲有唔知乜昆蟲,有大有細咩都齊
睇下會唔會冒險影到張相

問得連登仔最後只會剩火攻

聽過唔少case係一炸
啲蟲四散逃走
結果惹到全層中招

報東張

咁我嗰次好彩啩

津路水炮搞掂啦

其實如果走廊嘅話 基本上你殺曬喺走廊嗰啲就冇 你畀少少時間心機用殺蟲水慢慢噴啦

有冇圖

同d鄰居有討論過呢個問題,如果最後搞到我屋企都有應該最後應該會報，依家鋪DE粉會順便鋪埋熟D果幾家人門口再同佢地講做左處理

垃圾屋呢啲東張近年報得太多啦都已經冇咩特別 我驚佢唔鬼理你

扔垃圾果日我有圖,但D蝨無影 每次行過都係望一望就急急腳走,本來有諗過行後樓梯避開佢個單位,但佢個單位就係對住後樓梯結果都無得避

真係入晒屋點都要做,依家個情況似係因為個老人家已經唔係度D仔女已經懶理,主要係想比壓力佢D仔女處理番自己搞出黎D屎

依家應該係屋入面果D不斷走緊出黎,因為早2日已經用殺蟲水殺左一批,呢2日又有一堆出黎

火攻