男警涉駕車失事撞欄逃逸　認無牌、不小心駕駛等9罪保釋候判 蘇惠德：應「多謝你 daddy 」

2024 年 2 月，一輛 Tesla 私家車駛至油塘道近鯉魚門道交界時，疑失控撞毀安全島護欄，司機逃去無蹤。警方調查後，懷疑該車被擅自取去。31 歲男警事後被捕，被控無牌駕駛、駕駛時沒有第三者保險等 15 罪，周三（3 日）在觀塘裁判法院認罪。

案情指，被告駕車時失控撞欄後離開，及後將事情告知父親。父親知悉後感到緊張須送院，留院時向警員透露事件，稱「唔知點算」。被告其後被捕，警誡下稱涉事私家車原贈予女友，兩人分手後轉讓予被告兄長，當日撞車後因驚慌而離開，並承認曾數度無牌駕駛。辯方求情指，被告被捕後將行車紀錄儀等交予警方，強調只因「貪方便」而犯案，又指他被定罪後相信未能再任警察。

總裁判官蘇惠德指，被告應「多謝你 daddy 」令事件曝光，著他做個正直的人。官押後案件至 10 月 17 日判刑，待索社會服務令報告，期間被告續准保釋。

被告余佳炳（31 歲），控罪書沒有報稱職業，他周三承認各 4 項無牌駕駛、駕駛時沒有第三者保險罪，以及一項不小心駕駛罪，餘下各 3 項無牌駕駛、駕駛時沒有第三者保險罪獲撤銷。

案情指，被告於今年 2 月 12 日下午 5 時許，駕車駛至油塘道時，失控撞到行人過路處的欄杆。有途人報案，被告落車離開現場。被告及後向父親提及事件。其父聽聞後感緊張，須送院治理，期間向警員講述被告無牌駕駛和撞車一事，指事情令其「唔知點算」。

警方及後拘捕被告，他在警誡下稱，當日駕車時失控，意外後感驚慌，故在警員到場前離開；他又承認於 2 月 6 日至 11 日期間，曾數次無牌駕駛。被告另指，涉事的 Tesla 私家車原贈予女友，兩人分手後轉讓予被告兄長。

辯方求情指，被告自 2016 年起任職警察，立志為社會服務。他案發時月入約 3.8 萬元，因本案被停職，月入約 2.6 萬元，惟被定罪後相信未能再任警察；辯方又呈上被告前上司的求情信，望法庭輕判。

辯方又指，被告被捕後將行車紀錄儀等交予警方，強調他只曾駕車上班和購物，不涉賽車或消閒，僅「貪方便」而犯案。

被告余佳炳（31 歲），控罪書沒有報稱職業。他被控 7 項無牌駕駛罪、7 項駕駛時沒有第三者保險罪，指他於 2024 年 2 月 6 日至 12 日期間，在香港駕駛一輛登記號碼為 YV1330 的私家車，當時他並沒持有相關車輛種類的駕駛執照，亦沒備有一份有效和符合汽車保險（第三者風險）條例規定的第三者風險保險單或保證單。

被告另被控一項不小心駕駛罪，指他於 2024 年 2 月 12 日在油塘道 9 號油麗邨信麗樓（U 座）外，在道路上不小心駕駛登記號碼為 YV1330 的私家車。

警方早前回覆《法庭線》查詢指，休班警駐守中區警區，現已被停職。

停職 有人工

控罪書沒有報稱職業

無車牌 無工作 但有可靠的Daddy

份工幾好福利，有法律保護

知法犯法都唔洗罪加一等

絕世好工

中國香港警察

無睇哂原來差佬來仲依為兒子

好似話，唔好撞到出名既人就一定冇事。

唔記得邊個講既，

因為上次飲左好多酒，繼哂片，只係記得食左支事前煙。。。。。。

買車送俾女朋友，屋企都唔會窮得去邊。

月入兩皮幾既散仔係如何買到部tesla送女朋友
靠老竇錢買tesla然後借花敬佛？
咁即係原本係老竇送車比兒子女朋友

停職仲有得收兩皮野一個月？痴撚線香港

停職前38K 點都買到啦
買部Tesla 廿幾萬都要靠Daddy？

狗 都知話比人知自己做狗
觀感同揸白卡差唔多

呢d政府又唔會追返佢停職其實白比人工

Model 3 25萬咋喎 同埋佢係月入3萬8唔係兩皮幾

真係絕世純工 好老闆
犯超過十條刑事
帶薪停職仲要俾個官讚係正直的人
之後隨時又可以復職
連登仔應該啦啦聲轉工啦

佢daddy爆佢出黎喎

犯罪集團

24萬仲有免息分期, 都係幾千蚊個月姐

撞到既係小人物的確冇咁大件事
報紙會賣但只會賣一日，第二日就冇人記得
大炒炒死幾個人就青洪都幫唔到你
如果法官對被告印象差都係死硬
叫daddy搵啲世叔伯攞求情信，人格證明
搵哂以前學校校長大學校長求情
塑造到你雖然天真，唔成熟但有愛心，用心向學，樂於助人，會做義工熱心公益又係daddy同世叔伯既乖仔，認咗罪流幾滴眼淚，一般唔會判得太重手
做警察都係加分項