【香港人畫的新派漫畫】OMAKASE漫畫暨港漫動力討論專區(10)[睇完漫畫請㩒LIKE]

冇野嘅 有人贊助/他日真係紅到嘅話實有動力搞
期待某日被有錢fans圈養

嚟緊兩個同人展
麥花臣同D2
又要逼

請問我可唔可以屌鳩小熊

大菊火緊

其實係單好笑嘢嚟
只係麻煩咗順豐，準備比順豐罰第二次錢

笑料嚟，等小熊處理完書展啲重要嘢先再講

我唔知中文文化圈有無「構成」呢個職位同概念啦
但「構成」呢樣嘢喺日本創作圈係一定要識
寫文要識、動畫都要識
甚至動畫職位入面嘅總編劇，頭銜係叫「系列構成」
構成唔單止要諗劇情，仲要掌握每段劇情嘅長短、節奏、分佈
例如袁小姐星期五更新，會留啲位吸引人下星期繼續睇
其實都係構成嘅技巧嚟
而日本編輯係會識構成點做
相反，我未喺中文圈聽過人講構成呢樣嘢

可能要推後11/12月先開到
佢係一個本體+一個擴充包
本體我已經玩過3次，掌握到大致點玩
啱啱飲完罐monster開擴充包說明書嚟睇
剩係睇說明書都睇咗40分鐘
要消化下同埋食飯前玩唔完，收返入盒
下星期六呢間工作室會擺PR08
我會去，諗住同佢哋吹下水（阻人做生意）同買啲配件
遲下先再玩個擴充包同開post

專家出現了

構成唔係乜嘢專門用語嚟
袁生你有打人中之龍
人中木村第二集，有個支線係講十個作家一齊寫書作一本小說
入面都有提過構成呢個要素
我唔係乜嘢創作專家
但係penana上面嘅漫畫，甚至連登畫post嘅巴打們貼幾頁漫畫
構成呢個要素都係偏弱

例如週刊漫畫，19頁入面要做曬起承轉合
第一頁講返上話啲嘢，頭幾頁鋪排故事
爆點擺喺最後幾頁
呢樣嘢就係構成，
稱職嘅編輯係需要要求漫畫家點分佈起承轉合
只係香港嘅畫畫人
成日覺得編輯只係追稿同bam9作者idea
實際上編輯都係創作團隊一份子
所以好多漫畫家第一二轉分鏡都會比編輯彈稿就係咁

手語xPoker Face Sign 2.3 有樣學樣

https://www.penana.com/story/161174/手語xpoker-face/issue/19

今日手語咁早更嘅

原來三魔女同港漫動力三本無對白漫畫都有擺誠品

仲有袁小姐

上次我嚟仲有一幢，而家剩返兩本
算唔算賣得唔錯

賣唔出嫌阻掟收埋咗啫？
仲有得面陳已經好感恩

吓，我見佢仲係擺喺新品嗰位度喎
得番兩本，應該係剩貨嚟
陳列上嚟講，通常擺多幾本出嚟先吸引到人買
好少會專登擺少量嘅貨啲喺重要位置

唔明點解要包膠

印象中，睇咗2X年漫畫，有書腰嘅漫畫都會入袋/包膠
可能係驚書腰甩咗賣唔出
不過我都明你想唔包比人試閱

聽講港漫動力有電影導演畀意見
可能就係幫手構成？
不過19P式連載漫畫嘅話
可能tvb導演嘅意思會啱使啲

我估幫手分鏡多
電影導演多數擅長分鏡（好似係）
我都覺得日本週刊漫畫經常陷入咗套路化（唔單止係指劇情，都指構成）
同TVB一樣
我睇開套青之葦蘆直頭今章同上章一樣套路仲要成幾十回咁重覆
套用我個fd一句
啲編輯同漫畫家畫得耐就「畫咗啞（生銹）」
要改變下環境或者抖下

一個套路係work嘅
最安全就係工廠式咁不斷做
就算不會大賣，至少都唔會唔work
然後就好似工人咁做落去

雖然pnn好多漫畫構成唔似日本咁成熟
但我反而幾鍾意咁
因為冇套路偶爾有驚喜
不過商業化就⋯

我自己覺得PENANA上面作品主要兩個位做得唔理想

1.無法用有限頁數講出特色
2.重點位放錯咗

1.通常第一回就要帶出呢套作品有乜特別，去留低讀者
但好多作品第一回都只係「交代背景/世界觀」
而唔係講出，呢樣嘢係我故事先特有/賣點

2.有啲應該畫長啲位就畫短，畫短嘅位就畫長
呢樣真係要有人客觀咁比意見
自己畫有盲點未必知邊啲要長啲