後來因為文革，北佬南下，加上冷戰，外資想入中國就留左係香港先，結果忽然係短短幾廿年之間變成好多中國人趨之若鶩既地方，但內裡香港既人其實從來都唔係手握大權或者手握技術﹑資源既人，只係因為兩個意識形態既權力碰撞之下，技術同資源暫時留左係香港
然後近年香港成日講本土意識，即係想搵返自己係咩人，成日吹奏茶記文化﹑或者手工藝一堆細到不能再細既野，想對外講自己唔係一個紙醉金迷既地方，於是仰慕香港個堆大陸人都開始睇邊香港本質並唔係一個有幾勁既地方，如果連現存所謂既優勢再次因為兩大意識形態版圖有改變而改寫，香港個形象就爆破，變返個一文不值，做返國際上既社會底層。
香港以前之所以多人中意，都係因為假象，因為好多人以為香港真係好威好型，事實上住得耐就知根本唔係個一回事，先進唔係先進，意識唔係特別超卓，根本就保守到不得了，只係為保命而彈起既城市，可以行到今時今日呢步已經好勁，但而家要還了，大家睇路，日後比人當係國際小丑，其實都應該係預左既事。
sad old day
