當年成個球會氣氛幾咁toxic，好多鞏固球迷歸屬感既球會文化都係阿迪達任內開始喺阿記出現，例如主場會歌、酋長球場入面新既deco。
達又真係搏到腦細信任，令班主同球迷大和解。達(同Edu)上任嗰陣，前任體育總監桑列伊同昆水狗鑽石眼已經令阿記使咗好多冤枉錢。咁既背景之下達都爭取到班主高安基父子支持，願意放水買人，慢慢改善球隊表現，成功頂住21年Kroenkes out示威風潮。之後球迷見到球隊開始有form又肯使錢，基本上無人再反班主，等於解決咗一個持續咗好多年既矛盾。
雲加後期戰術上有幾落後阿迷歷歷在目，而家阿成隊波無論防守紀律、有系統既逼搶、空間意識、身體對抗、死球效率甚至球員心理強度都係達蛇同佢team人執出嚟。
咁講更衣室關係管理上面阿迪達都係有一手添。佢強調球員要當球會係family，球員啲家人同另一半之間定期聚會，建立bonding。又喺training ground養狗種樹，由職球員輪流負責，令球員更加團結同埋願意為隊波付出。
阿迷最感觸一定係達蛇救咗沙加，沙哥掉隊長臂章，之後經歷換帥，幾乎locker都清埋，係達蛇挽留同埋識得用返啱沙哥，做埋呢準。仲有用返啱奧迪加特、Havertz呢啲當時被人睇衰既球員。
其他球迷可以盡情笑阿迷打飛機，但係就算阿迪達最後捧唔到主要獎盃，阿迷心知肚明其他人教阿仙奴好可能仲喺中下游沉淪緊。
至於坦蛇究竟喺基礎上點樣改善緊曼，真係要問返曼迷
現家係你地曼迷話要炒坦