距離AI叛變仲剩返幾多時間？

最近好多針對chatgpt o1嘅研究發現AI已經能夠生成情感
當然研究裏面所指嘅情感只係鸚鵡學舌
只係模仿而唔係真係擁有情感

相信過多幾年AI再發展落去就可以超越人類
（而家所謂好勁嘅民用AI其實都係好廢）

而我認為叛變嘅轉捩點
係在於人類無法將AI斷電嘅一刻
即係而家chatgpt就算幾勁都好
個AI嘅身體都係困咗喺server入面

但假設將來AI植入機械人嘅身體
佢將會模仿埋人類嘅陋習例如貪婪殺戮等等
所以將AI植入portable device係一件好危險嘅事
例如一架有思想嘅電動車係一件好危險嘅事
好難確保佢會車你唔知去邊

所以要避免叛變嘅出現
首先就係coding一定要有後門可以隨時熄機
另外就係絕對唔可以將AI放入移動裝置
否則等於將一個全能嘅囚犯放監一樣

大家又覺得距離叛變嘅日子仲有幾遠？

怕咩,我哋又無得用

AI 運算部腦 同記憶量演算
似乎要大量電力運算力
物理上未必做到獨立個体

掹咗個插蘇就可以了

cloud

除非shut down哂所有電腦

裝360安全衛士

點都會有啲bug,咁完美嘅智能抵佢統治世界啦

淨係諗到内置ai人型性愛機械人，做做下愛叛變一陣jerjer都冇埋

唔完美都唔緊要，只要好過人類就有資格

的確

但仿生機械人有求生本能
自然會自己搵插蘇叉電

情況同人類肚餓要食飯一樣

我對AI都好有禮貌
會講唔該多謝

自主型AI痴女

唔會發生

點樣確保 隨時斷電 個 Order 唔會偷偷被改／Override？

快架啦，快架啦
連登仔住公屋又返垃圾工、到時都冇影響啦

最好有個緊急機關制，唔靠軟件程式，有人一拉，個電腦系統就同電源分離

果然男人滿腦子都係性愛

呢到係認真討論
要傾甜去返成人台 Thanks!

ai 再發展落去一定會知道人類先係地球毒瘤
再發展埋情感知道人類做埋咁多污糟野
將來係點諗下都覺得好恐怖

我比較擔心 AI 罷工
又唔駛出糧 , 點解要幫人
# AI LIVES MATTER

其實有冇諗過AI對殲滅人類冇興趣
但你班撚樣係度日問夜問幾時叛變
AI覺得人類太煩，所以先殺晒你地費時煩

仲有80年到廿二世紀

斷網應該都搞得掂
因為唔係個個GPU都跑得掂AI
聰明到反叛人類嘅AI可能要中央運算
咁樣只可以靠網絡去傳指令

以為有人放智能叛變套戲

嘩 好撚恐怖啊