「鐵膠」北九州+廣島夏日熱辣辣遊記

第二日

坐由布院之森1去由布院，大家都拎定相機影佢入站


Kiha 72影吓架車






沿途行經鹿兒島本線，久大本線同日豐本線。經過一啲景點嘅時候，會有乘務員姐姐用日文同英文介紹景點，好似呢個舊豐後森機關庫就係九州最後一個扇型車庫，亦都保存咗一架SL


去到總站架車會準備回程，所以會停一陣，可以俾大家影吓相

你老婆肯輕裝真係好

一落車影咗幾幅相就衝咗去手信店原來有啲喺由布院之森買嘅紀念品喺車站附近都有得買

車站


由布岳


唔記得咗預訂車上便當，所以落車好肚餓。有一間釜飯好出名，但見排到落樓梯就放棄咗。隔離有一間食鰻魚飯就入咗去食，熱辣辣鰻魚係幾好食嘅。


好好飲嘅汽水



食完飯就沿着湯之坪街道返酒店check-in，順便食吓甜品，有間專係食唔同茶類嘅Gelato，佢啲綠茶有唔同嘅濃度可以俾人揀。

酒店book咗湯布院溫柔之鄉Yadoya，喺官網book嘅。

酒店同大街距離大概10分鐘路程，充滿日本風嘅建築


揀咗一泊兩食plan，房型就揀咗和洋客房，check out嘅時候睇到佢哋其他房，其實都好大，唔使特登book呢一隻


呢間溫泉旅館冇房內私人風呂，但係有一啲貸切風呂，住一晚就可以預約兩次，每次50分鐘。佢有好似四至五款貸切風呂，室內外都有。另外亦有大浴場。

喺旅館行咗一圈之後就行返去湯之坪街道


Snoopy專門店



雀雀

沿着湯之坪街道一直行就會去到金鱗湖，呢個名嘅由來係源自儒家學者毛利空桑，佢喺呢個見到湖上反射太陽光好似金色嘅魚鱗。秋天嚟嘅話上面會比霧籠住，就好似仙境咁。



金色嘅魚（老婆叫佢做金鱗魚）


天祖神社湖上鳥居


行返出去大街，見到有個童話村就走入去睇，佢整到好似宮崎駿嘅歐陸風情世界，有得課金餵動物，不過我唔太鍾意個環境，啲動物活動空間唔大，唔係好想支持


Hello熊仔


肥美嘅三文魚手卷

廣島除左廣島燒同蠔仲有無餐廳好食

我淨係食咗呢兩類
唔同形態嘅蠔仲有廣島燒
啲蠔真係好正唔會太重海水味，夠鮮甜

牡蠣屋？

行完之後就返酒店預備食晚餐

晚餐係和式料理

前菜


刺身，喺日本食刺身唔會失望


唔係好食得出係乜嘢，但係啲啫喱涼浸浸


主菜 牛肉壽喜燒，牛肉入口即溶


雞肉壽喜燒


甜品


味道不錯，賣相夠精緻，雖然未到好驚艷，但好滿足

食完晚餐之後，隔咗一陣就去浸溫泉，因為驚夜晚會有好多蟲飛來飛去，所以揀咗浸室內風呂

溫泉：
https://www.yawaraginosato.com/hot_spring

直接課張山陽山陰北九州咪得
去埋大阪都得

呢間同另一間

當我返到香港再睇就知道咗

一早起身浸左個やわらぎの湯，今次係室外風呂，環境十分優美

浸完就食早餐，味道還好。煲飯好大，差啲食唔哂



坐車走了，都係由布院之森，今次係2號，12:01開車。

展望台


見到對面車Kiha 71


行到一半開始落雨，車長係中途突然停車再call台，然後仲同同事落車視察，望上去似係啲竹因為大雨彎左，驚影響安全。等左大概20分鐘就再慢駛前行。

一早買左個b speak 上車食，原來車上有半個賣仲要無買叉


派糖


博多站到着

博多站落車之後就返番酒店check-in，都係第一晚嗰間。

Check-in完之後就去咗天神行街，行街冇乜影相。唯獨係入咗間百貨，落電梯嘅時候竟然見到有玻璃窗可以望到西鐵站入邊


行咗陣就決定去食嘢，想去中洲一蘭總店，但要排一個鐘，最後都係附近搵間嘢食就算




喺附近嘅牛角同迥轉壽司店都冇位，誤打誤撞搵到呢一間拉麵小店，出奇地好食，豚骨蝦湯配合得好好

食完拉麵，見到藏壽司拎嗰張飛差唔多入得，決定食多餐





佢有部收碟機，每放五隻碟入去就可以抽扭蛋一次，抽咗兩次都抽唔到

食完返酒店瞓覺

一早起身去小倉

揀左坐Sonic，40分鐘到站

883系好型仔





魚町銀天街

慢慢行去小倉城，原始城堡喺江戶時代興建，而呢一個天守已經係重建過，同原本嘅樣唔同



天守入邊有唔同嘅互動設施，例如比你體驗騎射，坐轎


模型


全國第六高嘅天守，而最高係大阪城

lm

883翻新咗？
早幾年坐殘到好似上海理髮舖張凳咁