香港醫療開始不嬲都好高，非常倚賴公立醫院服務。公私營運失調。有好多醫療開支都係源自慢性疾病，例如三高：高血壓、高血脂、高血糖。香港真係好多人中風。另外仲有人口老化，後生一群要照顧失智症老人。
如果衛生署同環保署合作，係每區set up一啲運動發電站，經醫生覆診時轉介part time 運動，可以幫病人/老友記減肥同維持健康/改善，又可以幫社區發電。
室內運動站有發電單車、發電渦輪（用手推），或者諗到其他新發明。
做運動之前量血壓、血糖，合格先可以進行。
醫生處方一星期運動日時數。
發電量可換取金錢/獎品。有啲似綠在社區回收機咁，儲夠分可以換現金券/日用品。
好處：
1. 老友記多做運動，好過長期擺喺屋企，減低活動能力退化風險。
2. 肥胖人士多做運動，尤其帶氧運動，幫助疾病控制。「腰圍越大，壽命越短」。減肥啦！
3. 獎金獎品係Incentives. 冇人嫌錢腥。呢個方式嘅開支遠遠低過醫療同復康開支。
4. 遲早都要用再生能源，why not?
我唔知我諗嘅嘢work唔work… 希望俾到啲creativity大家。真係唔想成日聽到啲議員傾大嘥鬼定垃圾蟲
