歡迎各位巴打、絲打，黎到今個星期既崇拜！
基督教連登堂2024年9月29日主日崇拜
經文：利未記1:1-9
講題：將身體獻上當作死祭（五）
同工：Yellow, Laila, Isaac, Nine
歡迎巴絲打建議講題。
（一）祈禱
奉父、子、聖靈既名，我地開始今日既崇拜。
讓我地低頭祈禱。
親愛嘅主，求你教我哋喺你面前謙卑，放低我哋嘅驕傲同自私，讓我哋能夠被你使用，成為你心意中嘅器皿。幫助我哋睇清自己嘅不足，願意學習同成長，去服侍身邊嘅人。
我哋特別為到全球被逼害嘅教會祈禱，求你賜佢哋力量同勇氣，喺困難中堅持信仰，唔怕艱難。求你保護佢哋，讓佢哋感受到你嘅同在同安慰。
願你嘅道能夠喺各地興旺，打開更多人嘅心，讓更多人認識你，接受你嘅救恩。多謝你聽我哋嘅禱告，奉主耶穌基督嘅名求，阿門。
（二）讀經
請起立聆聽神既話語。
出埃及記27:1-8
//1 “你要用金合歡木造祭壇，長五肘，寬五肘，祭壇是四方形的，高三肘。
2 你要在祭壇的四角上造翹角，這些翹角要連於祭壇。你要給祭壇包上銅。
3 你要造一些盆來裝祭壇的灰；又要造灰鏟、潑血碗、肉叉、火鏟。祭壇的一切器物，你都要用銅來造。
4 你要為祭壇造一個銅網，又要造四個銅環裝在網的四個角上。
5 把網安在祭壇的凸框下方，在下面包著祭壇，使網達到祭壇的半腰。
6 你要為祭壇造兩根槓子，槓子用金合歡木造，要包上銅。
7 槓子要穿在那些環裡，抬祭壇的時候，槓子就在祭壇兩邊。
8 祭壇要用板造，中間是空的。要按照在山上展示給你看的那樣去造。//
阿們。感謝主。
請坐。
（三）訊息
以下係想像情況。
全屋企最好最靚最完美既野，我由自己屋企帶左出黎。
呢隻係完全獻比上主既父牛，去緊會幕門口，為既係上主悅納我同埋我既供物。
我將隻手㩒實佢個頭。
我攞起把屠刀，宰殺左佢。血流左出黎。
祭司攞左呢D血，潑左上祭壇上面，祭壇四圍都係血。
我將隻牛剝皮。我切開左左佢做一舊舊。
祭司將完好公牛既生肉、完好公牛既頭、完好公牛既硬脂肪，排晒係D柴上面。D柴係火上面。D火係壇上面。
我洗左完好公牛身入面既內臟。我洗左完好公牛既腳，屈曲果個位。
祭司全部攞晒去燒。
好香。願上主喜悅。
似唔似經文講咁樣？
利未記1:1-9
//1 耶和華就呼喚摩西，從會幕裡吩咐他說：
2 “你要吩咐以色列人，對他們說：如果你們當中有人以家畜為供物獻給耶和華，你們就要以牛或羊獻為供物。
3 人若是以牛作燔祭供物，他就要獻一頭完好的公牛，獻在會幕門口，好在耶和華面前蒙悅納。
4 他要把手按在燔祭牲的頭上，祭牲就蒙悅納，可以為他贖罪。
5 他要在耶和華面前宰殺這頭公牛。亞倫的子孫，就是那些祭司，要獻上這血，把血潑在會幕門口那個祭壇的四壁上。
6 獻祭者要剝去燔祭牲的皮，把燔祭牲切成一塊塊。
7 亞倫祭司的子孫要在祭壇上添火，把柴排列在火炭上；
8 亞倫的子孫，就是那些祭司，要把肉塊連同頭和硬脂肪，都排列在祭壇燃燒著的柴上。
9 至於內臟和腿，獻祭者要用水洗淨。祭司要把祭牲全部放在祭壇上焚化為煙，作為燔祭，這是耶和華喜悅的馨香禮物。//
（待續）
好似明多左少少，點解洗左佢對腳，就同耶穌有關係。
