1，唔洗幫襯香港人中介（除非你鍾意比人抽2次水）
2，冇話特別想睇邊個球場既話100%要去睇韋斯咸主場（位置好，球場新，最重要係唔洗入會員都可以官網買到正價飛）
3，其它隊球迷既話可以直接上外國黃牛網買，我試過fanpass（1場順利入場，1場成功退款），livefootballtickets
4，有iPhone可能會方便d(有d黃牛波飛佢淨係比ios line你，入到google wallet 可能會冇左nfc 入唔到場亦係上面講既退款原因）
講返我今次買飛先，一開始上網搵左好耐資料已經搵到上面提到既黃牛網同中介，最後決定週未既幫襯香港人中介，週中上黃牛網買，一開始就發現香港人中介比黃牛網貴好多，點解一開始會幫襯香港中介係因為個中介係外國住諗住佢點都有1d球會既會員買到一手飛就實搵陣，但最後係冇既，至小有2張飛應該係livefootballtickets到黎既，所以直接係外國黃牛網到買就得。
韋斯咸波飛係我搵過好多間球會之後唯一一間唔洗入會員就買到飛，當然我冇搵晒唔肯定係咪全英超唯一。另外推薦既其它原因係佢主場位置離倫敦市區真係近，同埋個球場又算新。
我當時買就1張111英鎊計晒所有費用全中間位。
打住咁多先，因為我仲係英國慢慢再更新，咁快出呢篇文既原因係唔希望1d而家開始計劃既人晒錢。
