The Substance 完美物質

點睇都係唔捨得 想即刻換血試下用返後生個身體睇有無事

點知佢見插sue隻手出唔到血 就直接隊心臟 換到血但bug撚咗

劇情上根本無講過唔打穩定劑最後會點幾時話會就咁突變

個男護士唔係就係餐廳個阿伯食客咩？

去到分裂個位已經徹底cult化 根本無視哂所有合理性啦
係好多人話垃圾就係接受唔到無啦啦變cult片又無邏輯又剩

咁樣要問埋Sue點樣提交身份證同銀行戶口俾電視台

ching你可能要重睇

直頭要搵埋醫學顧問出來指證呢套戲邊有可能發生啦

佢變做怪物都行得到去電視台冇人理其實劇情上都只係好小事 要幫佢辯護嘅話都仲可以講見到嘅人可能以為佢係節目嘅某個奇怪角色 / 路上真係咁啱冇人留意到佢

但佢變成怪物之後咁樣衰核突都覺得自己冇問題 呢個位真係好離譜
明明個角色一路都係勁執著戲裡面嗰種普遍審美觀 佢自己望住自己皺皮少少都已經勁嫌棄 亦都沉迷喺年輕嗰種青春白滑嘅肉體
但最後佢插返管調返轉 起身 照鏡見到自己變到好樣衰 然後就照鏡係到打扮仲覺得自己好好 呢個bug位真係百辭莫辯

唔係話佢變到咁核突之後就唔可以覺得自己靚，唔可以顛覆本來嘅審美觀
但佢就係放棄解釋 因為佢諗唔到 所以呢個位編劇係低手 為求達到目的、為求方便自己接到佢想要嘅結果 直接忽視呢個bug 放棄處理呢個位

對住一套正經劇情電影斟酌佢邏輯都話

對住一套科幻cult片講邏輯係證明你接受唔到呢類戲

佢唔係冇打穩定劑咁簡單，佢係殺撚咗原體再加打左終止針，已經符合曬變怪物，佢上台變先係正常走勢

係 一開波影埋男護士個胎記同阿伯一樣

唯一嘅解釋係，佢想變靚嘅最終目標其實都係想被電視台重視同做節目，唔想被人遺忘，佢變咗做Sue之後都好似無嬲過電視台老細

其實你諗到咁深層次為乜
講到尾後段就係cult架啦
你可以覺得佢鳩黎 佢可以覺得自己個劇本係藝術既表現
咪就係套戲唔啱你睇

所以我先話佢上台變咪可以冇呢個bug位，點解要咁多此一舉，本身都已經講緊佢甩緊牙甩緊指甲

呢個好似係你自己作既劇本黎
咪話套戲幾時有講佢咁做會變怪物？
最尾佢就咁熔咗都得架

最大既bug一定係啲門牙犬齒竟然有兩隻牙腳

咁你要佢突變好快先得喎 又或者導演就係想佢慢慢甩 咁先有得令到有一定長度嘅場面係個角色持續陷入恐慌同焦急嘅情緒 咁先帶動到個氣氛

咩我作嘅劇本，咁而家佢都冇講打多支針就會變怪物啦屌熔左當然得，但而家編劇係想寫佢最後會變怪物架麻，咁根本唔洗特登返去打支針變，佢本身已經有說服力可以上台變，講緊呢個多此一舉變到件事唔通順

如果唔拍到咁cult ，就會成套formula樣版戲咁

係 所以我咪話中間出現咗一次 你睇多次我個cm

點解？

如果唔打多次activation就應該只係會死
對fame/靚太執著令佢違反rules打第二次activation先搞到變怪物

我唔明你jer住呢個位做乜
我自己覺得佢二重activate好有punch喎
你咁樣捉佢多餘都只係證明你喺cult位入面追求合理性
再者我唔覺佢就咁上台變會吸引過佢打第二次針

同埋一開頭啲locker好似多啲？唔知有冇睇錯

你地唔夠代入女主果種心理交戰
女主feel到自己就黎溶解
咪諗住博一鋪再分裂一個新既靚靚肉體
點知會變成怪物
但個show就黎開始
咪唯有戴個面具博人睇唔出囉
因為佢已經恨上位恨到痴左線喇