港男賣樓$300萬帶一家移民　3年只剩數十萬元崩潰回流

移民生活未必盡如人意。有網民於討論區發文，指其朋友3年前賣了自住樓，帶着300萬元一家大小移民英國，惟3年後只用剩幾十萬元，無法繼續維持生計，唯有回流香港，等安頓後再接回妻子及女兒。樓主感嘆，「錢又使光敗走，返來屋又無，以前份人工又搵唔返……簡直是現代香港人的悲歌」。

帖文引來網民熱議，認為回流沒有問題，「覺得唔啱就返」、「聽周圍親戚朋友講返，由台灣／英國回流係多咗」。但也有網民質疑真偽，「去到無嘢做嘅咩？3年都冇搵過錢？唔信！」、「我識有十幾個家庭過了英國，到現在仲未有1個移英的朋友回流」。

港男賣自住樓帶一家移民

該網民於香港討論區以「我老友移咗民英國3年，今日終於返來！」為題發文，講述其朋友移民英國悲歌。

樓主表示，其朋友3年前賣了自住樓，帶着300萬元帶一家大小移民英國，可是在英國生活不似預期，300萬資金只餘下數十萬元，難以長期維持生計，唯有回流香港尋找生機，「使咗2球（200萬元）頂唔順，計過條數頂唔到六年（BNO英國「5+1」方案」），不如盡快回流，仲有一線生機！」。

積蓄剩幾十萬要回流

樓主又說，其朋友回到香港就要找地方居住，待找到工作和租樓，打點好一切後，再接仍留在英國的妻子及女兒回港，令樓主感嘆，「做男人真痛苦！勞心勞力……錢又使光敗走，返來屋又無，以前份人工又搵唔返……簡直是現代香港人的悲歌！真係唔知佢點樣過到呢關」。

帖文引來網民熱議，認為回流沒有問題，「覺得唔啱就返」、「聽周圍親戚朋友講返，由台灣／英國回流係多咗」。也有網民指出，「租樓都未必大問題，搵工先大問題」、「3球3年洗剩幾十萬，即係平均一個月使咗6、7皮（6至7萬），都好大使喎」。

但也有網民質疑真偽，「去到無嘢做嘅咩？3年都冇搵過錢？唔信！」、「我識有十幾個家庭過了英國，到現在仲未有1個移英的朋友回流」。

成篇野都無講佢點洗2百幾萬
淨係係到呻吟無錢要回流

使咗2球（200萬元）頂唔順，計過條數頂唔到六年（BNO英國「5+1」方案」），不如盡快回流，仲有一線生機！」

點解要頂？即係諗住300萬食6年，攞到BC就翻香港？

大佬，條友冇野撈又垃圾，日日好快洗哂啦
2百萬又唔係2億

高估左自己能力

二百萬洗2年要住倫敦zone one two加餐餐出街食至洗到

上glasgow 300萬應該頂到6年

鳩估
從佢話返到香港都搵唔返以前人工黎睇

似乎佢冇專業技能
係香港做普通文職/sales
過到去又唔甘心做藍領
搵唔到工

所以變成咁

好假

當一個月$15000租樓 $2000 council tax $2000水電媒 $10000食嘢
6年唔做嘢齋洗都係2百萬
舊年收緊5厘息仲有$15萬袋
作文都作好D啦

咁使法係香港就算搵到下都唔會頂得順

哈哈哈，人哋係外國洗兩球幾都唔益你
高壓電鼠同玩具熊

故事都有人討論

假設佢支出無變
即係佢本身係香港都使緊一百萬一年
係咩人係香港一個月可以揾接近10萬 但出左國揾唔到工/唔想揾工?

該網民於香港討論區

完！

Me 銀行跑數狗> 最低工資

當佢3年洗左$2.5M
扣除£2K 租金pcm £400 奸嫂+bills pcm 同埋小朋友興趣班 £800 pcm
一家人每日要keep 住洗£120 喎
日日出街食都洗唔到咁多錢啦

三年使三百萬
每年使一百萬
如果唔係月入過十萬
咁大洗佢就算留係香港都搞唔掂

而且三年前納米樓都唔止賣三百萬
月入過十萬無儲蓄投資要住納米樓
賣左樓得都係得三百萬
唔去英國應該都會破産

三年用三球？真心想知點洗

潮文定另一個珍心活？

3百萬/3年/12月=83,333,
即佢每個月洗成8萬蚊,
我用返你個假設, 每個月都只係洗2萬9,
我再當佢去娛樂洗費每個月10,000, 養車再10,000, 咁加埋都係5萬,
仲有剩返3萬去左邊
如果唔係作文, 佢係香港都生存唔到啦, 除非搵好多

除非有家累, 香港月入10萬嘅家庭應該唔駛住3百萬樓掛,
我當佢真係香港月入10萬, 咁層樓肯定唔止呢個數, 只係賣完樓之後, 佢只拎3百萬去英國

如果慳住用，十年都得