點解打機既多數係男性？

以我嘅理解
女性認為溝通先係重點
參與乜嘢活動都好
活動當中嘅溝通先係重點
有冇女性鐘意無乜溝通嘅活動?
(例如自閉練波練水練車，總之係不斷重覆嘅活動)
當然有，但比較少

PS.呢一度比較易混淆
我寫返少少定義比較好
我認為
「溝通」呢樣嘢唔係必然需要雙方參與
例如睇電影，單方面接收訊資都可以算溝通

講返遊戲呢個媒體
當中涉及一個第一身同第三身嘅分別
例如睇書，睇片，我哋係第三身咁接收資訊
但遊戲唔同，除咗一啲極端例子之外
我哋一定係第一身視角去參與遊戲，推動遊戲發展
我都唔明點解，但女性係相對上比較抗拒呢個動作
又或者話佢哋傾向用第三身去接收資訊

或者係懶? 好似懶得開GAME玩，寧願睇人直播咁
或者係無動力? 大部份GAME都涉及戰鬥，
而女性戰鬥慾望毫無疑問會比男性低，
反觀農場GAME、寵物GAME有唔少女性玩家捧場

至於MON嘅限制，只受限於佢哋運用感官去參與一件事
例如我同你兩個男人吹水，我哋只會在意對話內容
但如果其中一個係女人，就成件事唔撚同哂
會在意態度，眼神，語速語氣，甚至樣貌，外部環境(光暗，天氣都有影響)
你郁一郁條眼眉女性都會留意到
唔好幻想𥄫佢對波佢會唔發覺
佢在意咁多嘢，用個MON黎溝通就會好受限
但購物唔係人對人溝通嘛，咁咪無問題

你講女性冇咁熱中於唔推動遊戲發展，我都唔明
明明都有啲game好似你講咁多女玩
例如Sims，或者以前打online game其實女都唔少
但整mod嘅又係一律男性主導
更加莫講話整game
但咁係咪代表佢哋就冇創作慾，又唔係喎
多女性會寫fanfiction
不過呢個創作慾唔會擺番落遊戲度

我覺得遊戲吸引好大原因因為一樣嘢，instant gratification
投入任何嘢都可以即時量化見到，有reward
呢樣明明應該全人類都鍾意
等同飲靚酒食好西冇人會唔鍾意
如果要溝通咩，好多遊戲community都好活躍
但會投入到去好活躍參與嘅又係男性居多
相當神奇

當然，我講嘅嘢未必一定啱
都係睇過少少男女分別嘅書&自己觀察推論出黎
我都幾希望有個無鳩嘅
出黎話我知我講得啱唔啱

唔熱衷參與遊戲呢樣嘢
或者同佢哋比較唔敢冒險有關
例如sims，食飯訓覺沖涼同人交流，呢啲佢哋熟啦
但sims裡面嘅建築系統呢? 我諗女人會比較少接觸嘅興趣
自身有經驗嘅嘢佢哋參與度會高啲
然後盡量避開做出自身經驗以外嘅決定
如果呢個講法成立
學習成本係決定女性玩家人數嘅關鍵
最成功我諗係勁舞團 紙娃娃+學習成本低+大量溝通

整MOD方面熱情好關鍵
既然女性普遍對遊戲興趣唔高，少參與都好合理
但講到寫GAME做曲狗
好似而家都有唔少女曲狗
是但搵張DEI相都一堆女

唔係駁你
但唔好意思我唔鐘意飲酒
好西唔太貴都OK嘅
對口慾無乜追求
不過我明你主要係想講
應該全人類都鐘意遊戲嘅意思

我認為，內向嘅人先傾向鐘意打機
以成年人黎計
其實好多人都唔會特別鐘意打機
反而飲食，旅遊，運動，上網睇片浪費時間
呢啲會比較多人鐘意
根本好多人唔識得欣賞遊戲
要離全人類都鐘意實在太遠
不過有呢個願景係好嘅
事實上我認為遊戲可以稱為藝術嘅一種表現方式