之前講到美國減息, 香港所有野都可以彈返起
我真係笑而不言, 呢班人真係天真過天真嬌, 連基本既經濟學都未學過
減息對整體經濟, 利好還是利空, 幅度有幾多, 係取決於資本
美國減息後, 預期熱錢會從美國大量流出, 四處搵地方增值
造成商品價格升高, 其中就包括房地產
雖然今次減息幅度算大, 但數字上都只係兩碼, 即係0.5%
減完之後, 都仲係4.75%-5.00%呢個區間位
回報仍然好可觀, 所以熱錢現階段根本就唔急於流出美國
甚至可以等下次議息結果之後, 先再視情況作部署
但到時都已經年尾, 到聖誕, 基金佬都要放假
所以大機率今年泊係美國既熱錢都唔會有大動作
去到出年, 確定美國進入減息周期, 以及幅度, 先再決定都未遲
因此, 有人覺得呢頭美國減完息, 香港樓市GOGOGO
真係烚班"低學歷"人士