仲剩低刻印未打爆。
今作惡魔城竟然搞新意思，唔再係打老德，而係打一個全新的Brauner吸血鬼。
不過原來只係二戰受害者，失去愛女而黑化的白卡吸血鬼...
因為呢兩個吸血鬼姊妹只係比Brauner洗腦調較，本作竟然唔可以好似以前咁打打殺殺。打死兩姊妹反而會係Bad Ending，要做左膠用極光淨化佢地。
除左要淨化吸血鬼外，仲要幫條皮鞭開光，要打低前主人Richter (Fuck You Konami幾時將月下Port上Steam)，玩皮鞭SM大戰。
然後就嚟到終極大戰，可能希魔太出名的關係，本次個白卡吸血鬼又係畫家。全屏塗顏料，同埋係D抽象畫到放出一堆古靈精怪出來，仲可以變成二維空間撞人，花招非常多。
當然預料之內白卡吸血鬼只係中Boss，打死之後老德又復活啦！
因為本作主打雙人大戰，本作老德再唔係孤軍作戰，而係會同死神一齊打。雖然老德依然都係放火球，但因為有頭頂上的死神擋住，所以走位上好唔靈活。好多時都避上避唔到下；避下又避唔到上。
仲有鐮刀火球Combo攻擊!!!
不過去到第二型態又變做大怪獸剩係打一個。
招式有猛撞、fing鐮刀同火球雨，除左猛撞一野壓落來超快之外，其餘招式都好大破綻好易找死角回避。加上無左頭頂上的死神威脅，實際仲容易打左。
比較特別係玄冥神掌，要兩人同時打手手，不過CPU好自我，一時打左手、一時打右手。總之全程配合CPU行動，CPU打左手你就打右手；CPU打右手你就打左手。
老德再次升天，Happy Ending!!!
迷宮迴廊係外國的翻釋係廢墟的肖像，因為你係會好似Mario 64咁，城堡只係一個Hub，你要進入畫入面的小迷宮過關。畫像內容係唔係以往的哥德城堡大教堂、下水道同鐘樓，而會係地下鐵、金字塔、反重力馬戲團同鬼校，非常新穎。
而之前打老德時亦已提及過隻game係主打雙人行動，你可以召喚另一位同伴出來戰鬥，一齊打boss。而裝備亦都要準備兩份For男女主角用。可惜Fuck You Konami捉到鹿都唔識脫角，隻game只能單機，唔單止無線上連線，甚至連分屏多人都做唔到。另一個同伴永遠都只係CPU操控，完全浪費曬成個機制。
CPU接管的同伴預料之內非常遲鈍唔識走位回避。雖然同伴受傷唔會扣血，不過會扣MP，你比Charlotte死港女亂行亂打的話，你條MP Bar好快就會比佢榨乾榨淨啦！所以除左某D需要雙人合作的場景，例如打老德玄冥神掌外，我全程都係Jonathan單人行動，死港女只會愈幫愈忙。
Jonathan身為吸血鬼獵人可以用不同的副武器，但今次副武器有熟練度。熟練度愈高，攻擊力愈強，升爆左之後仲可以改變攻擊模式。因為熟練度隨便用副武器打怪就可以提升，起碼舒服過蒼月不斷刷魂。
魔法少女Charlotte會用上各式各樣的魔法，不過魔法要蓄氣先可以變強，但整體輸出比Jonathan副武器強，例如骷髏頭機關砲。
而既然呢隻係雙人遊戲，咁就當然會有華麗的合體技啦，不過合體技太耗MP，平時我都係用翻Jonathan副武器打怪算啦...
另外遊戲亦有任務系統，任務內容都係大路的打下怪物、收集物品又或者去指定地點觸發劇情。不過遊戲好古惑，有D收集物品竟然係地圖探索一次性物品，無睇攻略賣走左的話就再也收集唔返解唔到任務，迫人玩第二輪！
完成曬之後又可以攞無限MP戒指了。
雖然呢隻game雙人模式求撚其，但額外模式卻非常認真，有成三個咁多。係咁我地就由最難打到去最易啦！Old Axe Armor Mode要求要打1000隻Old Axe Armor爆機。Old Axe Armor本身唔係咩隱藏怪，打最後4幅畫好容易遇到，單純只係刷刷刷的問題。
雖然明顯係惡搞模式，但其實係扮豬食老虎。擲斧頭其實就係歷代吸血鬼獵人的副武器：對空、大範圍、連擊，實際上非常實用。但最可怕其實係佢個充滿G點的斧頭，只要禁上制舉起個斧頭，唔洗任何揮斧動作，點中大佬就會瘋狂扣血0CD，完完全全就係泰坦殺手！
惟一弱點係佢成身G點太可怕無人敢同你組隊，打老德玄冥神掌時要自己同時打左右手。
其實惡魔城的怪物只係扮工模式，求其fing兩fing交差，比吸血鬼獵人打死仲可以claim工傷。真係拖欠薪工無糧出時，隨時仲癲過老細！
之後就係Fuck You Konami幾時將月下Port上Steam Richter Mode，能力同Jonathan一樣，都係十字架回力標、擲斧頭咁，只係多左招十字死光。由於Richter無得練副武器熟練度，所以實際上仲弱過Jonathan。
但今次仲可以操控Maria，表面上只係一個等緊比白馬王子救的12歲小公主，實際上係動物傳心師，可以召喚飛龍、雀仔禽流感、甚至做埋貓奴。全部攻擊都可以貫穿，呢位公主一D都唔簡單。
如果好似平時咁用Richter打老德就只會係無聊的擲斧頭fing十字架回力標。所以我決定用動物傳心師禽流感啄死老德去。紅雀對空非常易打死神，第二形態又可以用紅雀圍住佢團團轉！
傷害性十足，侮辱性超強，比紅雀啄死仲失體過比斧頭兵斧頭砍死。
最後就係吸血鬼兩姊妹，但其實佢地最初原來係女超人，可以飛天，連其他的額外模式的人物都做唔到。雖然飛天唔可以穿牆，但佢地的攻擊就可以穿牆。只要係屏幕所見的範圍，你把無影劍同冰凍砲都可以必中敵人。你完全係唔需要任何走位，只係好係玩水果忍者咁，對住屏幕的敵人死劃爛劃。
由於自動瞄準外掛實在太離譜，所以比老德強制劇情殺，直接比Brauner黑化變吸血鬼，成為惟一一個無得打老德的額外模式。
總結來講，本作比起以前有好大突破。遊戲唔再只係係一個大城堡進行，而係會穿梭去各個畫作不同的世界觀入面，趣材比以前更豐富。而且額外模式仲引入左Fuck You Konami幾時將月下Port上Steam月下入面的Old Axe Armor比大家試玩雜兵。姊妹模式全屏攻擊輕鬆爽快，操作一流好過蒼月畫鬼畫符。可惜遊戲主打的雙人模式反而成為硬傷，需要雙人合作的場景十隻手指數得曬，而且雙人模式無得「雙人」遊玩根本就係掛羊頭賣狗肉！
，可能係為左遷就其他平台。
）加分，左右手普攻連打夠爽快，但城太細探索比唔上月下