https://www.instagram.com/p/DAKdD3XScYT/
連日發動玩嘢求婚攻勢
裕美感0專即拒絕
林作放大絕 逞英拍「求婚MV」
望用《花花》誠意「撼動」芳心
早前舊愛麥明詩在三月完婚，林作疑似大受打擊，於愚人節當日突然宣布要與裕美搞「十八區婚禮」，仲打算每個星期都舉行一次。數月過去，正當大家都以為林作又開空頭支票時，在中秋節前開始連續幾晚，裕美在社交平台上載了他求婚的短片，林作似乎要做找數真漢子喎。
講番條片先，中秋節前一晚上載的是他們行行下街，林作突然下跪拿出戒指向裕美求婚，裕美即時耍手兼擰頭，林作估不到會食檸檬，被拒絕顯得十分氣氛，嬲到手舞足蹈添。大佬呀！在兩袋垃圾面前求婚，咁求其點應承你呀！？有網民更留言話：「作作，你應該要配合個環境，搵個垃圾袋裝住自己，再驚喜打開求婚😂」。
中秋節上載的第二條片，林作大哥秉承一貫「亂嚟」的作風，硬闖浴室向正在浸浴的裕美求婚，仲話：「戒指！」搞到裕美kam4，大叫好煩趕他出去！第三晚林作趁裕美瞓緊覺，拿出戒指衝入房再次求婚，同樣激到裕美大叫仲伸了林作一腳趕他出去！
而第四條求婚短片，是林作趁裕美食飯時，拿出一桶洗潔清，並說：「你唔制！我就喺你面前飲咗佢！」裕美抵死回答：「飲吖！你飲咗我即刻應承！」最後只見赤裸上身的林作飲了手上的另一支酒，被他吹脹！跟住更播出他之前醉酒後不醒人事的片段。林作一系列失序式求婚，真是被他siu4！
林作對於求婚失敗似乎不感意外，更揚言要進行「十八區求婚」。而裕美曾經向傳媒表示，林作早前試過用咕臣及拖鞋作為禮物，甚至全裸體求婚，超級玩嘢！但她認為林作對自己0尊，所以並未接受。
有看過短片的網民，有冇留意背景歌曲十分悅耳，原來用了歌手YUTA的新歌《花花》，歌曲本身都是講求婚，perfect match！綜合網民的意見，林作求婚欠花極冇誠意，聽聞他收到晒，早前更特地為《花花》拍了MV，要全世界人見證他送花比裕美的經過，並表示希望今次能夠憑誠意感動裕美，成功求婚。
嗱！個MV今日有得睇啦！欲知後事如何！即刻去留言睇片啦！
