念珠菌好苦惱 絲打請入

點解啲人咁冇常識 念珠菌就算係連登仔最中意嘅處女都會有機會感染㗎喎

一直以黎都斷斷續續咁復發 上黎純粹想拎下意見 有無人患過又好返 求大神指教
已經睇左好多次醫生又試過好多支藥膏 都係隔一排就會復發sosad

我之前有香港腳 用乜都無用
之後噴隻納米野後就竟然無再發過
因為都係真菌引起 你可以試下
可以Telegram 我話你知邊度買

https://t.me/Koooooooooooooooooo

以前有, 果時以為keep住換護墊就得點知都係冇用
索性將所有底褲換過曬新既, 然後每日都滴幾滴茶樹油係底褲度先再著,
之後好快就變返正常

茶樹油真係有用 勤搽個排好舒服 乜事都無

你地用咩牌子既油？

我果時用body shop, 喇到傻但真係work
其他brand既應該都得

但body shop d油應該唔夠純？

哩個真係唔知，我係好耐年前搞掂既，可能果時個formula 純啲掛

就咁滴幾滴落底褲就ok?

我個case係 上面有絲打搽埋上去添
睇下你鍾意跟邊樣啦

我一向白帶都多 好多時候都黃黃地 係咪姐係要睇下中醫調理下

上月中去完沙灘即番發，個排仲要無性行為
睇咗次普通科塞藥食藥好番
點知過兩星期又再番發
睇番個醫生俾咗好多抗生素消炎藥我食，亦有塞藥同搽類藥膏
但愈來愈嚴重 腫得
最後頂唔順睇番睇開嘅婦科女醫生，係大圍
檢查完唔洗種菌都知係念珠菌作惡
停哂所有口服藥，只塞6日藥 搽藥膏同用ph8洗gap
依家等經期後再去覆診

個人認為一痕就用ph8洗gap真係好有效
洗完更乾爽，又止到痕
好過搽藥膏痴笠笠
依家日日都會帶兩條底褲出街換，感覺乾淨又乾爽好多

大圍邊位女醫生？

海福花園地鋪 王家恩Catherine Wong醫生
我上次念珠菌同宮頸炎都係佢醫好
不過就貴嘅，勝在好快醫好
醫生會俾一枝ph8洗gap，都係佢教我咁做先唔痕

上次睇咗$580

都唔算貴
我之前喺北角同葵芳睇都差唔多7xx

睇嚟都要去大圍一轉

我銅鑼灣睇1400 仲要覆診都1400

我係荃灣睇$400頭咋喎

我都比念珠菌困擾左好耐
上面絲打所講既方法好多都試過晒 塞藥、口服藥 又食過舒密丹同GNC個隻女性益生菌
睇西醫都係不停復發 有一排發炎發到唔止係痕 仲要痛

試過咁多野之後覺得注意衛生同戒口係最有用
以前習慣日日用護墊 呢樣一定要戒
同埋唔好用女性潔膚液
另外我去做laser脫毛搞到皮膚炎
d毛生返出黎又拮 所以我覺得發緊炎都係唔好刺激塊西好d

前面見到有絲打講屙尿會痛
其實屙尿痛係因為尿道炎 當然尿道炎同陰道炎可以同時發生 但兩樣野係唔同
而食/飲Cranberry係有助尿道健康 對陰道炎幫助不大 (有錯請指正)

念珠菌本身都存在係陰道 會發炎係因為d菌唔平衡
所以有d人話食益生菌可以平衡返
但我試完覺得冇乜用

而家keep住有睇中醫 又有戒濕熱生冷野 已經冇之前咁嚴重
就算未必斷到尾但至少減輕左好多好多

有無好中醫介紹？

認真 唔好一定以為係自己清潔問題 我以前一直以為係我唔夠乾淨 點知同個一齊好多年既男人分左手之後再無復發過 大家知咩事

我個情況同你一樣

講講下又好似係...屌 諗起都...

我訓之前會用tempo 薄荷味紙巾對摺兩下
放落下面 好似m巾咁墊住
之前有段時間都咁用
出街多白帶/念珠菌
一定墊護墊先 上面再放張tempo紙巾
感覺上適服d涼d
要飲多d水 唔好著咁多牛仔/貼身褲
護墊一濕左一定要換 換密小小
因為你底褲濕左一pat痴住一日都on9
勁唔適服 又濕立立 又行
唔好食咁多辣野/重口味野

Touch wood 半年冇事啦

無睇過醫生？

係咪免疫力低呀 平時有冇覺得攰 作病？
ps黎m前後個陣我都會有啲

係咪免疫力低呀 平時有冇覺得攰 作病？
ps黎m前後個陣我都會有啲

不嬲都身體好差 成日病

被陰道炎困擾，一路都係買藥塞，塞完就好返

但好容易翻發，真係唔想個個月都塞

想睇個西醫，大家有無介紹

我第一次受感染係同個ex搞完

之後個小陰唇直頭生左粒癑，之後一日自己消左，從此我就開始有呢個病

手洗under都無用，無用護墊習慣，好無助

好想斷尾

被陰道炎困擾，一路都係買藥塞，塞完就好返

但好容易翻發，真係唔想個個月都塞

想睇個西醫，大家有無介紹

我第一次受感染係同個ex搞完

之後個小陰唇直頭生左粒癑，之後一日自己消左，從此我就開始有呢個病

手洗under都無用，無用護墊習慣，好無助

好想斷尾

我只會好痕，沖涼之後痾尿會有d"那"，分泌多左，有少少黃，無臭味

有左第一次就跟你一世
最多減少佢翻返次數
有小小起果陣就飲cran berry 汁
聽聞會好啲

無用 食益生菌會好d 有隻特定益生菌係對加強陰道抵抗力好d 叫Lactobacillus 其實仲有其他兩隻益生菌都有幫助 但呢隻比較出名 你上iherb 都會搵到呢d probiotic 買
唔貴 幾十蚊一樽

有d好奇想問下你地睇婦科會唔會戴口罩

識人睇家計會醫生拎藥膏 幾年都冇復發

絲打可以試下每晚沖完涼
抺乾之後 用風筒再吹乾
因為有時用毛巾抺 抺極都未乾曬
吹乾就確保會乾爽d
潮濕既環境好易滋生細菌

同埋m 前m後 用女性潔膚液洗
我覺得係冇咁痕

Ps 個人經驗

有左第一次就跟你一世
最多減少佢翻返次數
有小小起果陣就飲cran berry 汁
聽聞會好啲

已經無限飲 唉點先斷到呀

cran berry 係防止尿道炎架 完全無幫助 尿道同陰道都唔同 完全唔關事 改食益生菌會有多d 幫助 我上網睇過d 研究 話60%既陰道炎患者 都會係陰道搵到同患者腸胃存在既candida菌(念珠菌) 所以去廁所要好小心 唔好由後至前抺 要由前至後抺 你增加返腸胃既益生菌 對抗下d candida 既失衡生長 係你腸胃少d candida 就少d 感染

由於candida 好好好鐘意食糖 你要戒糖 所有processed 糖都要戒 最好唔好食澱粉質野一個星期先 然後多d 食唔係精製野食 即係米粉米線 麵 麵包個d 食食物既原始狀態 例如原粒燕麥 紅米 糙米...etc 之後都要少食麵包 因為出邊買既麵包有精製糖

唔好用護墊 唔好著緊身褲 沖完涼我會吹一吹乾下邊先著褲 所以底褲另外分開洗 唔好同襪同其他衫一齊洗 太舊既底褲掉咗佢 買同著純綿底褲 洗完d 底褲一定要放係太陽底晒佢最少幾個鐘 乾咗既底褲先好著 記得d 念珠菌係真菌 佢好難死 環境唔好時會變成孢子 環境濕熱時出返黎生長 我仲係生完好返之後將d 底褲逐條洗衣機洗完拎去用滾水滾起碼幾分鐘

我之前係咁返發 之前有幾個月都發 然後我做齊上面d 野就無再返發 我戒糖同澱粉質3 個星期 而家就淨係唔食糖

有d好奇想問下你地睇婦科會唔會戴口罩

唔會囉
人地醫生一日睇病睇到黑，睇閪睇到無哂感覺啦

打防hpv 針 其實有無幫助

聽人講根本無幫助sosad

被陰道炎困擾，一路都係買藥塞，塞完就好返

但好容易翻發，真係唔想個個月都塞

想睇個西醫，大家有無介紹

我第一次受感染係同個ex搞完

之後個小陰唇直頭生左粒癑，之後一日自己消左，從此我就開始有呢個病

手洗under都無用，無用護墊習慣，好無助

好想斷尾

我明呀好辛苦