深圳+大陸討論區 (8) 正版

國貿 有大眾點評嗰啲，嗰邊差唔多食勻晒

岩岩練完
直接上高速好彩無想像中咁難揸
反而練咗兩次L位泊車都唔太識睇黎要補多十堂先敢自駕遊

西華路掃街

特登去聽廣州話？
騎樓其實成個廣東都有

請問珠海有冇食肆推介？

復活節去左惠州 仍然係我最鐘意嘅廣東城市
食野又平 又悠閒 hea下幾正
玩埋西湖船仔同紅花湖電動車環湖

有冇乜嘢推介？

上次去左汕頭，D海鮮貴到飛起，花螺收我100蚊一斤，煮法重要係白灼，真係屌出聲。

潮汕牛肉堅係好食既，不過深圳都有間連鎖店叫潮發牛肉火鍋，感覺同汕頭D店差唔多，價錢又差唔多，服務重要好D。

有一間餐廳叫創新土雞火鍋，超平，一隻雞連埋火鍋都係80~90蚊，隻雞重要岩岩殺，用炭火爐，都幾好食。其他小菜都好撚平。

90蚊餐類似咁

80蚊餐類似咁(有骨果碟)


80蚊餐好食D，幫你起左骨雖然方便左，但又冇雞皮、又易熟，一煮就好易老

除左依間，重有食東市凱興白粥，食生醃，都幾平幾好食，買左50蚊已經有一碗粥、一碟普寧炸豆腐、一碟生醃蝦、一碟麻菜、2隻鮑魚仔。但好撚多人，排隊都排左1個鐘，我係深圳去牛巷番薯粥食重好，一樣咁平同埋好食。

總括黎講，除左土雞火鍋，其他純粹只係平過深圳，但深圳都搵到類似既餐廳，都好食。
汕頭又冇景點好睇，下次都係走出廣東省去其他地方玩算數。

十月想去張家界，係咪得高鐵最方便，見冇咩機係直去張家界

無咩嘢係深圳無嘅 真係食在深圳
汕頭都無咩好做 去一次就夠

之前好多人話深圳啲野冇咁正宗好食，其實都一鳩樣，搵岩店舖深圳都夠哂。去其他大陸城市旅行focus睇景好過。

其實係，依家大陸d食肆全國化，就算唔係百份百一樣都有7-8成

大灣區有，時間唔靚
高鐵坐5-7粒鐘

準備去邊長玩？

7月先去

好似去蒙古？
點行法

香港-深圳-北京-烏蘭察布-二連-烏蘭巴托-伊爾庫茨克
全程火車(除咗中蒙過關)

暑假喔，搶唔搶到飛先？
駛唔駛十日？
IRK後玩貝加爾湖？

我都唔知 最難係蒙古邊境去烏蘭巴托
同烏蘭巴托去IRK 呢2段
Tapatrip可以買 係唔知佢幾時放票

今日過關情況點？

我都想知
聽日去東莞松山湖踩單車

睇啲page 出境無人
入先多

你聽日報告下多唔多人踩松山湖
仲有冇淘寶比$入華為小鎮呢枝歌仔唱？

但如果即日來回，即係返嚟個陣都係多人

高鐵？

依個五一假期，大陸好多景點爆到七彩