黏土人同好區 （32）

4女幾錢盒

冇睇價

呢個都係大坑，我買咗白狼就算

買自己鐘意果幾隻算。 手上太多坑要填

我預見到有個叫dan da dan嘅大坑喺前面

已全入陽奈更加要3入

整陽奈個難度應該幾高
我估會賣得貴D

禮奈 水奈 原版奈一雞三味

話時話
有部分玩具站做緊土人同figure 特價
有d分店有買一送一
係TOP間土人無特價

咁奇怪

FB玩具仲報價見人貼，我睇我附近間有特價
但得三玖同鬼滅個天元
近近地去MK睇就無
朋友去尖沙咀買土人有

佢一向好少現貨show出嚟

TOP唔奇怪啦
個場後生仔多同埋非核心群
見到就會心動買，唔會格價

我去開間之前有Leon土人擺出黎
如果有一送一我會買多隻

其實最奇係婚紗三玖明明唔開訂
但佢幾間都擺出黎賣

尖沙咀間之前有炎細佬
但朋友去前已被賣出
如果唔係買黎賣去日本都抵

我見有隻狼拎出嚟賣，但唔係一送一，我見得相聲夏油
一送一

價錢牌有一送一咁

山田都買一送一

六期生冇人睇

[img]https://na.cx/i/yCc8NRL.jpg

夜媽媽幫兩個女換下衫
有啲新心得

1.黏土娃好食頭髮配件
如果髮型係偏現實風（髮絲好仔細，好多分叉）
就唔啱配娃身
著嘅衫款式都要跟返頭髮玩件

2.娃身顏色跟頭髮顏色會易配啲
最大路臉同身都用杏仁奶色、其他係桃
配合得好唔好睇最大要素都係跟返頭髮
奶油色要髮型同眼配合得好先好睇
黑色就...可能要男仔先好睇

3.女角娃衫最好買「一件頭」
就算好微笑官方出嘅衫，有啲衫都係好難襯得好睇
原因唔係素體、顏色、髮型唔夾
而係件衫剪裁唔夠好
一件過嘅衫會貼身、凹凸有緻啲
分上下兩件啲衫剪裁
會好似肩寬嘅男人著T恤咁直筆甩，唔好睇
所以官方出嘅典型水手服
唔會夠馬娘同最初出個件白色水手連身裙好睇
上下兩截式搵啲衫要攝入裙裡面會好睇啲
例如喜多川海夢嗰套

4.唔係隻隻娃都啱用娃眼
一嚟娃眼表情少
二嚟有啲娃眼同角色感覺唔襯
襯得唔好嘅時侯用返土人臉仲好睇

5.娃身都係會出油同甩色
請妥善保存

6.GSC真係好垃圾
底座鏡面會甩出嚟 on99
玩得耐嘅素體上下分體之後合返埋都成日甩
所以最好買1.1

7.平時擺放，頭部（視線）稍稍向上望會好睇
影相時頭部最好平衡返，同埋少少低炒會影得好啲

8.好撚多零件
玩得預咗去旅行要去100yen店買盒

9.長頭髮髮型用官方隻兩腳架要插到好實
唔係嘅會頂住頭髮，令到塊臉向下
我就用夾型架唔用兩腳架

玩下土人就算
邊有咁多時間保養土娃

娃最麻煩係頭髮
土娃用膠唔港梳已經無敵

BTW
我想佢好似底褲咁出胸圍套件
啲白色衫勁透