龍珠Sparking！ZERO 10月11號準備開波

超四悟空條褲都可以變返出嚟

定鳥叔懶咋

起碼係變細個悟空真係著緊果條, 雖然唔知點解可以變大條左
無啦啦變件斗篷出黎真係搞唔掂
又唔係靚
戰鬥有件斗篷畫死畫果個

GT個全宇宙元氣彈結局都收得好靚
前中期宇宙旅行唔係無意義

諗落可以好似仙水咁用聖光氣整件斗篷出嚟不過一樣係畫死畫師

同埋唔型

如果龍珠超真係全部要鳥山明自己再畫過，可能佢會將超神變光頭

張圖19件 啱啱睇得返4件

其實漫畫超係幾正幾好睇 係動畫做爛左

GT比起原版除左熱血仲多左啲感動位
比較煽情啲
中間地球爆炸, 送全部人上飛船走果到
最後悟空無晒氣, 魔童過啲氣俾佢地走, 然後魔童留左係地球一齊死
果到都好感動
加埋GT首世界級主題曲音樂

所以我淨係睇漫同電影

麻麻地鐘意超級17號個章 baby同埋邪惡龍都好睇

漫畫超悟空一樣唔識kiss 而且龍珠許願加戰力呢啲 真係唔係個個接受到

個人覺得 唔用龍珠提高戰力係一種潛規則嚟
否則佢吹到有十幾種龍珠都得 再唔係許願要有精神時間屋plus 練幾十年
正如仙豆呢啲屈機嘢 都係食一次 唔會話食住打車輪戰

同埋邊有得屈動畫做爛咗 明明動畫出先 動畫先係原著
漫畫係睇住啲人對動畫評價嚟改

鳥叔最討厭嘅超3 同 斯路畫撚死人咩

今次真係有得打黑悟空啦！

講起龍珠許願, 其實黑悟空都好on9
用粒咁勁嘅龍珠, 黎實現地球龍珠甚至連傑紐都做到嘅野
佢話黑悟空係劇場版嘅達列斯都仲合理

超嘅悟空 武痴變白痴
但老實講 悟空武痴呢樣嘢 其實都係超之後 啲人先咁講 z時期 邊有人講悟空武痴
z 一開波扔石仔 龜仙人都話 悟空結婚後實力下降咗

悟空係z到 其實都稱唔上 鍾意打交
悟空係放生過比達一次咁解
打啊哥 傾唔掂數直接殺咗
打大王 最尾比氣都係強者打贏咗 對弱者嘅可憐 而且大王偷襲 悟空又直接殺
斯路篇 直接叫悟飯殺斯路
布歐篇 都係直接殺 係叫布歐下世做好人先再打

講真係z到 悟空其實一直都係被動咁打
打啊哥 係啊哥突然嚟地球 仲要搶走悟飯
打比達同光頭佬 係因為龍珠
同理 打大王 都係因為龍珠
跟著打人造人 係因為未來大杜求救
打斯路 係超級柒達搞出嚟
打布歐 直頭唔想郁手 教超3 教合體比下代
最尾唔係吸哂入布歐身體 悟空都唔想打
所以悟空邊係鍾意打交咩都唔理

而且z時期嘅悟空係比到人安全感
大家都等緊悟空跑蛇道
一出現 一個界王拳 單手舉起光頭佬
超嘅悟空一出場 大家嘅反應係 條仆街又想搞咩事

但用日psn買可唔可以用返港psn玩同連線？
之前試過有game會鎖區

最先大家估係黑悟天嚟 我覺得仲有趣啲

仲要圍圈圈呢樣嘢 gt咪玩過
超4max 即係有紅色眼影個隻超4
咪就係悟飯佢哋圍住gt空 buff上去

我之前其他龍珠po提過 超紅神就應該學 死神劇場版 地獄一護咁 係限定型態

超藍應該係 超3再上 有啲神氣息 但又未去到紅神嘅境界
紅神貶值得太快 都變相令神級貶值
明明最先吹到另一個次元 完全感受唔到氣
咁計法 第6宇宙 同 力量大會 一堆感應唔到

超食書食得太誇張 接近每新一章 就食一次
自在極意本身明明係一種思想境界
漫畫 情緒自在又變成加實力嘅變身only
情緒自在 其實即係自在+超西

自我極意反而仲有啲思想意思

如果當年笑鳩gt係悟空傳
依家超都係比達傳啫

Lm

唔明特登提呢樣野加個咁既設定有咩意思
不如話悟空仲係處男，兩個仔係用神龍變出嚟啦

可能覺得小朋友會鍾意睇但老實講真係好無聊加低能

其實好難唔悟空傳
淨係變細左同用唔到瞬間轉移
實力同智力都幾乎無減到

不過當年至到前排
啲人屌鳩GT將悟空變做細路
依家食哂迴力鏢，仲要個迴力鏢大到
冚家變哂細路

龍珠同悟空既人氣，點都唔會係識唔識kiss而影響到啦
你估係靚仔明星要一世單身唔好激嬲啲女fans咩
諗劇本個個真係用個屎忽諗野

為咗賣q版公仔可以去到幾盡
套嘢個時間線係神與神之前 我幾好奇會唔會食超書
會唔會玩大到 第3個平行世界 唔接超時間線
再唔係 話見過悟空佢哋變細 所以gt先許願悟空變細 接落gt到

依家真係睇 版權會去咗邊個到