一個好有自制力嘅人，喺濕疹面前，可否忍到唔R?

眾所周知，濕疹一R就會入惡性循環，
理論上，唔R應該會快好好多。
但實際上， 感到痕癢之後去R，應該算係合理而正常，正常到係接近條件反射嘅水平。
好多人訓訓下教都會R，其實半睡半醒嘅情況下，無意識地都會R，應該係本能嘅証明。
想知自制力強嘅人，可唔可以同自己講，R係唔好的，之後忍得住。
利申: 我唔得
一路打字一路R緊

一個好有自制力嘅人，係唔會有濕疹

瞓覺你個身會郁
會自然反應R

手指或手掌就瞓前搽潤膚膏，再戴棉手套，膠手套都得，雖然半夜有機會自己除，但戴慣咗，你會發現對病情有改善，但最緊要係令自己瞓得好，改善鼻鼾或打側瞓，夾枕頭係大脾，都可以瞓得冧啲。
日頭就手套戴到都盡量戴，飲食戒口同做吓真係會全身出汗嘅運動！早瞓早瞓早瞓同戒口！
濕疹要靠意志力！

點解? 濕疹可以係先天

因為當佢有濕疹既時候 已經成為一個無自制能力既人

答案姐係濕疹面前，係忍唔到唔R。

靠意志力係可以戰勝個痕
連瞓緊覺R咗幾野都可以即刻唔R
但意志力一少啲 R損咗少少就唔撚理 會R到爽為止 之後又要幾年先好返

真係R完好爽
但又辛苦一排
但控制唔到
慘

建議搽強力無比膏

我都係迫自己改習慣
痕就忍，忍唔到就用手輕輕掃下佢/輕輕力拍下佢，再忍唔到就起身搽嘢
慣咗就唔會R佢

痛覺就話俾人知道有危險
痕覺又有咩用呢？
科技又唔可以阻隔大腦痕的信息

唔知咁樣算唔算有自制力


我會搽無比滴乸下佢，不過痛撚到仆街，我條頸後面有，一搽就變霍金


不過而家好咗九成，已經搽完都唔痛

第一下實r落去
第二下先醒覺唔r得

出汗先難頂，痕到飛起，我最近定左個7日唔r痕challenge 比自己，想試下唔r係咪會好返好多，又試過冥想、念經止痕，但都係會忍唔住R，只要你手多摸左一野，就會繼續痕，之後越摸越痕，繼而頂唔住R, 搵冰凍下個濕疹會減輕痕癢，但整濕左等水蒸發既時候會痕，所以最好都係搵啲野做分下心，雖然會忍唔住r下，但如果時刻提醒自己要忍住，都可以盡量減少r既次數，令到病情冇咁惡化，加油頂撚住

免疫病真係cls

我係最勁個陣食安眠藥，直接瞓死，日頭用拍代替R，不過有D位拍唔到就靠意志力

原來都有人用無比滴
我都之前有咁做