由於事後已del+report，冇太多截圖，請見諒
入局
如題，星期一到屎咁早起身發現有個叫唔知乜鳩「淘寶賣家聯盟乜乜柒柒」嘅group突然add我，由於之前有大概一次被昆幾舊水+六次反賺刷單騙子嘅經驗，啲狗推未開始演戲我就已經知佢哋要搞邊科
當日上堂無聊醒返起有呢單嘢於是開WhatsApp決定小賺一波
不出所料，個grp已經充斥一堆狗推or bot send收錢screenshot
然後刷單騙案經典流程，問接侍員入職，攞幾十蚊嘅「迎新獎勵」（以往大多形式為邀請受害人填問卷，然後比幾十蚊，再邀「入職」）
（以往大多為邀入telegram，小部分直接WhatsApp，現時騙子已升級為自家app） 然後客服問都冇問直接send條TestFlight link過我（直接知我用iPhone 詐騙集團買人資料大機率包埋受害人機型），然後同我講下載完之後就會有$100獎勵
破綻1
入去link望咗兩眼，app簽名企業係‘Toyota Motar’ 笑咗
食餌．前
咁down咗app之後，略略睇咗幾眼，基本上就係換皮WeChat ，但係功能就只有同個接待員傾偈，你之後要入group或者嘅其他狗推都係要個接侍比link你，然後個app開始就已經想問我攞權限，我就全部no晒，揀剩個相冊指定照片
然之後就問佢攞咗$100、開始配合做’task’(上老淘fol 對應商家，然後cap圖比接侍，$15一次，一個鐘有四次，開頭一單結算一次，之後四次結一單）
咁跟據以往經驗，一般當晚就會比受害者做第一次prepaid task，估唔到就咁樣做咗一日，到夜晚話結算剩低嘅錢比我，仲話我因為做夠幾多單有多一舊水，但係前提係我要set一個第二日指定時間嘅鬧鐘cap圖比佢（算係一次小小嘅服從性訓練？）然後同我講嗰段時間會有家電抽獎，然後就停咗比task
破綻2
呢一類型騙案通常會有一個所謂嘅「交流群」，基本內容真係一班狗推+bot分享「賺錢心得」，高質嘅基本上就用全真人，會俾反應你甚至主動pm你
低質啲就會用bot，你淨係可以睇住佢哋做大龍鳳，你講乜柒都唔會有人理
咁眾所周知 東南亞啲詐騙園區太多大陸人，根據經驗佢哋一般都係用啲濕鳩translate翻譯做廣東話
然後你就可以見到呢種發言：
食餌．中
到咗第二日，要照常起身返學嘅我當然得鳩閒理佢個假抽獎
估唔到咗佢定嗰個時間見我冇反應就開始奪命追魂call
(估計受害人準時上線參加佢哋啲濕鳩嘢應該係佢哋計劃之中一環）
然後到咗差唔多晏晝先開始睇吓佢今日搞邊科，根據經典流程，就開始比第一個prepaid task我，但係今次
最令我估唔到嘅係，task內容係捐$30比明愛，然後俾返$60我，然後我就可以因為支持公益升級埋身份，以後每單$25（呢個就係騙術其中一個升級嘅位，以往一嚟就係直接叫你跟佢買bitcoin然後返現多啲比你，今次就用明愛做預演）
我睇到當下呆撚咗，反覆對比咗幾次佢俾我個網址，係如假包換嘅香港明愛，不過保險起見我都係自己入返官網捐，然後就cap圖俾佢，攞錢、升級身份，繼續做task
做咗差唔多半日之後佢先有返第一個真正嘅prepaid task，當然佢第一單永遠都會俾你賺
食餌．後
咁到咗星期三，即係尋日紅日，一早起咗身就見到佢叫我去參加競搶，搶一個做1000起跳prepaid task 以升級身份嘅機會，冇身份嘅話就冇得繼續做task
呢個時候我就已經知道佢哋準備收我網（呢邊開始解釋一下，騙子大多知道你年紀、大概身份 職業，然後再估你經濟狀況決定昆你幾多，例如我學生哥第一次俾人呃，佢等到我做第二單prepaid task就收網，冇咗幾舊水，睇返其他案例，呃啲儲錢嘅師奶，通常到到差唔多幾廿萬咁樣抌入去嘅時候佢哋就先開始收網）
所以我就特登扮遲起身，然後問佢點算好，個狗推就好配合咁話有一單「遺漏單」可以俾我做
咁我就開始用返佢哋嘅招式撚鳩佢哋，我二話不說揀咗個最大嘅金額，特登拖到佢定嘅轉帳限時過咗再同佢講我轉賬失敗俾人凍結咗，聽到對面當場呆咗狂發問號，然後我問佢係咪過咗限時佢都已經唔理我，狂叫我cap圖比佢睇咩事，我見玩到差唔多就del 嘢走佬
最後睇返，980到手減返捐比明愛嗰30同prepaid task嗰100，850到手
總結：新騙術恐怖之處
雖然就係成功反賺八舊水，但係今次成個過程不論係 獨立app、假抽獎、真捐款，都係新推出嘅招式，可以話係大幅提升受害者參與感
諗返之前班騙子嗰啲濕鳩騙術都可以幾廿萬幾廿萬咁呃鳩班師奶，新騙術如果再加殺豬盤已經有用嘅ai（refer BBC 殺豬盤紀錄片）會再害幾多人我都唔知
真係勸大家一句，提吓屋企人唔好上當
接黑錢
