比業主退租，家私電器可以點處理？

我朋友有個地方比業主退租，要清走所有野，
想問下D電器同家私會唔會有人一次過上門收購？
電器例如幾部分體冷氣機，幾部洗衣機，幾部雪櫃，幾部電視，
家私例如梳化，椅，檯，床，
係咪有D專業收2手野公司？價錢會唔會高D？好過果D環保回收公司？
有冇巴打有呢方面經驗？

掉上D二手買賣Gorup 話免費
一日後一定有人要哂

唔比時間搵第二度就收樓？

好似得半得月

半個月

揾d迷你倉放住先？

唯有咁

搵收買佬嘅話
你當有人同你搬走㗎咋
唔會畀返幾多錢你

租迷你倉都有成本
搬出搬入都係錢
唔建議

得就自己上carousel 放啦
但咁急未必好價
但已經最好

正常租約都會一個月前通知咖喎

我估應該係業主急賣？唔夠30日只需賠D錢？因為佢月中先叫我幫手，宜家佢己經好煩，所以我冇追問呢D野

租得一個地方要擺幾部分體冷氣機，幾部洗衣機，幾部雪櫃，同幾部電視嘅人 都應該唔差個少少錢

但一次過賤賣之後都係要再晒錢買過 咁不如租個倉放住先直到搵到新屋就再用返 (如果D野唔係好殘舊的話) 因為而家買返D野都唔平

利申: 岩岩搬屋又洗咗一舊錢

依家啲免費仔仆街到要你送埋上門

即刻買樓搬過去

Aa 出力了

租客出埋冷氣機已經唔合理
仲幾部洗衣機，幾部雪櫃，幾部電視？？？？？？

太舊嘅嘢我會爛鐵價賤賣，但⼀定要佢嚟自取，如果唔爭在寧願free俾人，電器實有人要，佢當爛鐵車去賣都有錢執。
正路就附近街邊收賣佬或者上網搵收賣佬，但急放就唔好預多錢，但求收返啲cash就算，收唔到錢都當係搵人免費幫你清垃圾。
如果有啲嘢真係預之後都會啱用就迷你倉。

報完國安再移民囉