[PS/NS/PC] 復活邪神 2 體驗版

真係差唔多30年我爆左十幾次，識背

希望佢再加新同伴，上次忍者堅正，由頭用到尾，反而陰謀師係用黎用暗術，暗術又唔會早出，變左無咩用過。

不過之前湖入面既人魚同機械人又樣衰又唔勁，基本上唔會用，依家整到咁靚就唔同講法，會招入陣玩下，起碼中期都可以用到。

隔左咁耐 好多人未玩過原版 / REMASTER版 包括me

個系統其實就係打緊一場千年戰爭，所以一路玩就係用一代人去打，打左一定劇情就會劇情殺跳時間，按打左幾多場黎跳年份，少就幾十年，多就250年，每代人就要揀皇帝，之後就要去搵另外4個隊友組隊，唔岩心水就可以死左佢換人。

3我都覺得唔好玩，無左做皇帝既感覺，個打仗系統又搞唔掂，細個無打爆機。

2 劇情我又唔覺死卡難卡，不過有d位就真係無攻略就唔知要去邊就真。

另，咩叫外鄉人？

呢件事好得意，2係日本果邊幾好賣，不過評價都係講成個系統有創意為主，所以出到3，香港好少人講2。

3係香港先多人玩，但就唔賣得

建議返個舊版POST慢慢傾
呢個寫新版未出

嗰陣個個玩老翻

係，但都少人玩2，3我覺得唔好玩但就好多人玩過話好玩。

3太多單一主角，變到成個故事好散。2就只有主線無實際劇情，變相故事都係集中既，不過呢個咁獨有既講故事方法就無法好深入咁描寫人物同埋感情線。

外鄉人=卑鄙

其實唔係。

依家俾老婆迫我陪佢出街，夜d詳細講

經過ff16 demo 教訓都係等正式版評價先決定買唔買

無GA
3出個時好似95,96已經出左CT
一出CT已經定義左成個SFC最優秀作品
你強如聖劍3,天地創造,DQ6,少人知D但超水準既秘寶獵人G呢D 90分大作
都比CT一次過掃冧晒
何況浪漫傳說呢D 2線
少人玩正常

3好多人玩過話好玩
應該係因為好多人玩過頭無玩尾
佢開頭個故仔真係幾優秀
仲要多主角去睇一開始唔同人發生乜事
中後期個感受完全慘烈

3後期故事係慘d，但打四魔貴族果種氣氛同音樂真係無得輸，真係後無來者。

有個大問題，就係原來NS版比pc版個畫質都差幾多下 插電視都係唔多掂。雖然d人成日話打機唔應該J畫面，但當畫面唔傑出到一個點時原來真係會影響遊戲體驗的......

一係ps一係pc
switch2唔知幾時亦唔知有幾多提升

各個系統再人性化d都還好既
但95 96年太多神作出現
真係未輪到佢

齊體來講的確如此

隻demo一開始可以選男女主角? 但選完到完埋個demo都無見過我選果個主角既

90年代真係JRPG最黃金既時期
故事，世界觀，玩法同系統都不停創新，無open world都可以做得自由過open world。

CT直頭係史一，廿幾三十個結局，又無咩劇情上既反駁位+明哥做美指。

另，聖劍2好玩過聖劍3

卑鄙我諗你都係講時間加速+武裝商船陣，以前睇攻略叫邪道戰法

但時間加速要水魔成31lv先有，水系又無攻擊魔法，術點要求又多，所以成件事好低效率，係細個唔識玩，呢game又隱藏數據先搞到大家都咁玩。其實除非唔理時間成本咁升人，5個都練水魔，等後期可以用呢套邪道戰法，唔係既話到中期已經唔洗再用。

所以除左有時想玩特別野外，中期應該用軍師果個鳳天舞之陣，敵人有70%機率打皇帝，而皇帝行動前後有自動防禦+行動前受傷減半。

但另一方面其他人速度得返75﹪，所以用呢個陣就4個隊友唔可以用體術，同時其他技斬歐突升125%，所以4個用其他物攻去打就會好勁。

以前太多隱藏數據，搞到大家唔睇陣同武器防具影響太多體驗。

帶唔帶盾同帶咩盾我都仲未研究到

爆機先用佢架

仲諗緊應該買ps4版定switch 版

返工可以打就SWITCH版
單機驚, 都係屋企坐定定多, 梗係揀靚畫面