苑瓊丹早前獲封公主名銜，近日又有新身分，以「香港女科學家協會」副會長名銜出席會展舉行的開幕暨就職典禮。原來苑瓊丹是科學家？她解釋自己一直研究新科技：「由細到大都冇諗過自己同科學家沾上關係，由『師傅』帶我接觸科學，發現呢啲嘢唔係高高在上，唔係遙不可及！接觸科學之後令自己大開眼界，想透過科學健康咁『活多幾年』。 」
苑瓊丹在日前（9月11日）剛度過61歲生日及結婚20周年紀念，她說忙到沒時間慶祝，最近趁著返香港才跟老公補祝。「幾十歲唔駛慶祝啦，最緊要家和萬事興、身體健康！我都唔知結婚20周年添，真係快樂不知時日過，證明我婚姻生活係美滿嘅。」她忙於做生意和直播，捱到周身傷，早前曾休息時間通經絡，手臂有明顯瘀痕，她澄清沒有被老公「家暴」，萬一發生會做直播求救。
開幕禮當日，苑瓊丹好友林子聰都到場慶賀，猶如「男主人」滿場飛派送禮， 兩人表示：「近日香港嘅腐乳令到香港好失望，香港人好似冇咗手信，依家我地努力不懈，研發令到佢無菌，我地會搞呢啲研究。善用科學改善生活，搞到依家頭髮都多咗，可以供獻比社會。」林子聰亦支持，笑指二人「傾傾吓」就落實研究：「其實所有科學都係由發夢開始，只有創新先係科技，同我地拍戲都係一樣。」
平時食開果d腐乳好多菌？
