人生第一次被hurt
越來越有女人味的Aka變身「中女天花板」，她形容自己只係用木板搭成嘅閣仔，所以樓底好矮：「李佳芯係天花板中嘅天花板，41歲好似20幾歲咁年輕貌美。」懷孕中期的J Lou已有返啲胃口，Aka好羨慕靚拍擋有老公愛錫，相當幸福，相反她就好落泊：「早年啲追求者唔係細我10幾年，就係大我10幾年，我都嘗試過赴會了解下『小鮮肉』，但約會中竟被嫌棄冇化妝，問我『你有冇帶化妝品呀？入去廁所化個妝先啦！』當時我個心諗『咩料呀？我係咪好樣衰呢？』真係有啲懷疑人生㗎，但又肯照做，化完個妝仲一齊食埋餐飯，之後再冇下文，因為我人生第一次俾人咁hurt，平時冇人會咁對我，𠵱家我真係啋你都傻呀。」
10多年冇拍拖的Aka否認放唔低舊愛吳業坤，並語帶輕鬆說：「經已忘記晒啦，我相信緣份係注定嘅，條命幾時遇到，擋都擋唔住。」
