陳瀅早前到法國巴黎及希臘旅行，早已分享過泳照派福利，昨日（12日）她在小紅書上載Vlog影片，將巴黎之旅剪輯，見到陳瀅晒出男友視角，又玩又食，仲有觀光，更有到打卡景點影靚相，非常寫意。期間見到陳瀅到餐廳浪漫撐枱腳，又拎住一束鮮花，未知是否收到禮物。
陳瀅被踩心口強吻
回港後，陳瀅又忙於工作，昨日在IG上載影片透露相隔多時終於回家。影片所見，陳瀅躺在家中地上，兩隻愛犬隨即飛撲跳上身，瘋狂又舔又錫，表現非常熱情。陳瀅當然亦好受落，任由愛犬在身上亂跳、亂踩心口，兼錫面。不少網民見到表示有同感，指家中愛犬的反應一樣，亦有人太讚十分有愛、場面甜蜜。
