媽咪麵煮熟食！全新食法解鎖
近日有網民透過網上群組發帖分享媽咪麵的新食法！從帖文可見，樓主竟然將人氣媽咪麵零食，當作公仔麵般以滾水煲煮，並分享一組相片，配以肉丸進食，湯底顏色頗濃厚，指「諗住佢會似福麵，不過都唔似」。
網民驚訝：我食左幾廿年都係生啪
一大批網民對於有關食法，感到既新奇又驚嚇。有網民笑言「我食左幾廿年從來未煮過」、「我食左幾廿年都係生啪」，對於媽咪麵的質感相當好奇，「其實呢款麵煮嚟食係咩味」？
網民研發媽咪麵食法 「小賣部食法」最有風味？
除了用滾水煮，原來亦有不少網民自行研發媽咪麵食法，當中例如有人曾用朱古力粉加熱水煮媽咪麵、當印尼撈麵般烹調媽咪麵等；亦有人分享「小賣部食法」，認為最具風味！
