【甜／新手】《是咁的，我同時同幾個女人發生咗關係…》

【新手作者的話】
裸辭後搵工搵到攰又無聊，所以寫吓甜故娛人娛己
請容許有甜嘅部分唔會一開始就有
新手能力有限，故事將會不定期更新，盡量做到件貨自己滿意先至出街，請見諒


頭盔：故事中所有人物、團體、地名、故事情節…等均屬虛構。如有雷同，實屬巧合與不幸

=================================================================

【序】
一件事做起上嚟之所以刺激，不外乎係因為「唔容許」。

諸如：
法律上唔容許（例：偷呃拐騙殺人放火）；
世俗上唔容許（例：出軌偷情棄養寵物）；
傳統上唔容許（例：日本藝妓傳統上唔準許有感情生活，一拍拖結婚無論有幾高成就都要引退）；
情理上唔容許（例：減肥期間唔可以食煎炸嘢同飲肥仔水）；
甚至只不過係你老母唔容許（例：未做完功課唔畀打機）。

諸多原因唔容許你做某件事，而你又做咗，咁咪刺激囉。問題係你要識得取捨。一般嚟講，做得出啲不被容許嘅事，通常都要承擔返個後果。而且好多時個後果唔係唔報，只不過係時辰未到。

例如你偏偏未做晒功課就玩，咁之後咪會欠交囉，到最後咪又要補做返。

又例如你猛咁食煎炸嘢，係呀食咗兩、三個禮拜都好爽好似冇乜嘢咁款，但啲肥油同膽固醇其實已經喺體內不停咁累積，患心臟病同中風充其量都只不過係時間問題。

更例如身為某蚊型社區中心唯一夜班當值員工，竟然夠薑私下同某興趣班中某兩位小朋友嘅家長、社區中心 A 同 B 嘅兩位中心主任、甚至係同喺社區中心附近議員辦事處做嘢嘅區議員都同時發展出數段唔見得光嘅「不尋常關係」……

好多嘢，一旦深陷其中，就有如跌入萬丈深淵，冇人可以獨善其身。

【第一章卓宜蓁篇：撞破（一）】

唔記得咗由幾時開始，衫口袋入面一定會袋住枝電子煙。

當時本住「一包煙成舊水咁撚貴，不如平啲食電子煙啦」同埋「試新嘢」嘅前提同心情去落 order，點撚知圍返條數之後先知道食電子煙原來仲撚貴。可惜嘅係，已經上咗癮嘅身體又會本能咁喺就食完啲煙彈之前 keep 住去落 order，形成咗一個死循環。

「嗄～～」習慣性又索咗啖，今次呢隻係咖啡味。

今日係禮拜六。

睇返更表，社區中心份工今日只係需要返半更（規矩上六點打卡，十點收皮）。由於讀水泡科嘅關係，加上本身野心冇同齡人咁癲，況且物慾又低，而且因為廿幾歲人仲痴住屋企住，呢份萬二蚊嘅工畀埋家用之後可謂洗盡都仲有突。

咁當然，人望高處水往低流，搵馬都要騎住牛先嘅。

照常五點五十幾分拎住個快餐返到中心，返早班嘅幾位師奶同事都已經係處於準備收工打卡嘅狀態。慣常咁打咗聲招呼後，隨住打卡機放工卡鐘嘅收工鈴聲一響，幾位同事幾乎係同時收返手機落手袋、從座位彈起，緊接住就係收工打卡，然後返歸煮飯湊仔。

一整套功夫，行雲流水。

佢哋離開咗之後，呢段時間，就係屬於「私人自由時間」。

因為雖然合約上工時係每週四十四個鐘，但係由於中心由六點到七點係夜晚放飯時間，而且都叫幾幫得到中心主任手，所以其實呢一個鐘係可以偷雞偷到去近七點先打卡都冇問題嘅。

話雖如此，有時其實都會好似今日咁未到六點就返嚟。冇計啦，身為水泡科毒撚，搵到份叫做餓你唔死嘅工已算萬幸，仲想要啲咩社交生活吖？唔好玩啦，收夜㗎份工……

不過份工都叫做幾 hea。間中心話大唔大，不過因為有間標準大小嘅廚房，所以閒時會開辦一啲同煮食有關嘅職業培訓課程。然而，又由於中心資源緊張，所以間中心喺夜班時段只係夠錢編排到一位夜更職員同一位兼職清潔姐姐（咁橋呢個禮拜佢請假回鄉探親，所以依家每逢夜晚中心都係明正言順得返一個人）。

於此，收夜嘅時候一嚟已經冇晒朝早嚟上職業培訓課程嘅人；二嚟就算中心位處屋邨，不過其實一到夜晚就會冇乜街客；三嚟一般只係需要服侍啲嚟上乜鬼瑜珈、跳舞班嘅師奶。

所以除咗睇戲睇漫畫睇小說同發白日夢之外，講真收夜其實真係冇乜好做。

不過今晚唔多同，因為今日係禮拜六。而逢禮拜六，夜晚嘅興趣班都會由成人興趣班改成兒童武術班。有細路，即係代表有家長。名單上除咗一、兩個已經夠十歲嘅細路已經唔需要大人帶之外，其餘嗰三、四位細路都會由阿媽湊住過嚟。

今次呢個故事，就會由其中一位細路講起。（未完）

【第一章卓宜蓁篇：撞破（二）】

SEN（Special Educational Needs），亦即係所謂嘅「特殊教育需要」，係近代兒童教育中一個好重要嘅範疇。

可惜嘅係，由於屋邨家長因各種情況，受教育程度普遍唔會太高，繼而唔太識去辨認出自己小朋友面對緊嘅特殊情況；加上屋邨學校普遍匱乏針對性資源，導致有唔少喺屋邨出世嘅特殊教育需要兒童普遍都唔會太受到正視。

最令人難受嘅係佢哋會因為本身嘅特殊行為而被無理扣上「不正常兒童」嘅標籤，從而被週遭嘅人歧視對待。

而除咗嗰位特殊教育需要兒童會畀同齡人玩之外，甚至出現過其家長會畀其他家長暗中歧視嘅情況，例如特登喺智能電話入面另外開個冇嗰位家長嘅聊天室 group 嚟開嗰位家長嘅玩笑，又或者喺一啲親子活動入面為嗰位家長編排特別粗重嘅工作（『義務幫手』為大家拎行李之類）。

依家喺多用途活動室上緊武術班姓雷嘅五歲小朋友就係一位 SEN 兒童，而五年前剛剛榮升做新手媽媽、戴住副文青眼鏡嘅雷太原本以為寶貝仔嘅出世係代表住開展咗人生新嘅篇章，然而依家嘅佢幾乎每日都會因為寶貝仔嘅「奇怪行徑」而要忍受住外人嘅白眼。

雷太，原名卓宜蓁，聽口音聽得出係本地人。從佢當日加入呢間蚊型中心做會員嘅申請表上偷睇到佢已經三十三歲，但細細粒唔夠一六零嘅身高、一身白皙嘅膚色、睇落得二十幾歲嘅童顏以及上半身嗰副營養充足嘅 36D 巨乳根本令其他人難以將視線從佢身上移開。

「我老公做廚之嘛，屋企成日都淨係得返我一個，但都冇諗過原來湊一個已經咁辛苦…」坐咗喺中心大堂等候區嘅雷太雙手手肘座喺大脾上托住下爬露出一面苦笑：「明明人哋啲小朋友都可以專心上堂，佢就成日上上吓堂就走出嚟要我帶佢去廁所。五歲啦佢…」

坐喺雷太左側、有兩位各十一歲及九歲同樣上緊武術堂細路嘅吳太隨即安慰佢：「冇嘅，小朋友仲細，嗲要媽媽都好正常姐。」

「打搞到人唔好意思吖嘛，就上次之嘛…」雷太繼續苦笑，眼角泛紅：「佢上緊堂嗰陣我又咁橋有緊要嘢做而要行開吓，個死仔居然夠膽死見我唔喺度就直接瀨出嚟就算，仲要打搞到吳太妳要去幫忙我湊住個衰仔…」

「哈哈哈，冇事冇事！」吳太光速揮舞雙手大笑狀：「細路仔之嘛，我嗰兩件仲難搞啦！」

喺兩位師奶你一言我一語之際，雷小朋友又試衝咗出班房。當刻，連上緊堂嗰位武術導師同助教都嚟唔切拉住佢，唯有一邊急步走出班房一邊忍住道氣：「雷小朋友，仲上緊堂㗎！」

「媽咪…」小朋友扭力強勁，一個假身就扭過咗武術導師同埋助教兩人，然後一個箭步抱入雷太嘅懷裡：「我要殊殊…」

雷太見狀，母性之下只好妥協，只好一手推住小朋友步向洗手間嘅方向，一邊尷尷尬尬咁向吳太揮手示意。吳太微笑住目送雷太離開大堂等候區後，獨自一人留喺大堂自己玩電話。

未幾，從中心櫃檯旁嘅閉路電視熒幕中見到雷小朋友獨自衝出洗手間。從表情睇嚟，小朋友似乎已經順利解決咗生理需要。但，雷太呢？明明同小朋友一齊入咗洗手間㗎，因乜解救得位小朋友自己出返嚟呢？

「咁可能細路用完，到大人用呢…」

喺未發生「之後嗰件事」之前，恐怕正常人都會咁諗。問題係，距離小朋友自己出返嚟嘅時間已經接近半個鐘，正常人肚痛都唔多會用到咁耐掛？為咗了解雷太會唔會已經畀廁所沖走咗，身為中心現時唯一一位夜更當值員工又確實有去驗證嘅責任嘅。

離開咗櫃檯，慢慢向洗手間方向步去……（未完）

出住兩篇試吓水溫先

【暫時可公開的人物介紹】

陳作軍（24歲｜男）【博雅大學】文化研究系畢業後多年嚟因搵唔到心儀工作而一直輾轉不同行業，姻緣際遇之下喺一間蚊型社區中心落腳擔任行政。騎牛搵馬中……



卓宜蓁（33歲｜女）與擔任廚師嘅雷姓老公育有一名具特殊教育需要嘅五歲仔仔，人稱「雷太」。仔仔逢週末夜晚喺社區中心上武術堂，所以至少每個禮拜都會嚟中心一次。因老公長時間工作而忽略咗自己，不禁令其開始咗「五年之癢」……

細力一推

幫你推下

推

係發生咗關係定發生咗關係

唔太清楚巴打想問乜？

唔使咁認真答，我鳩嗡吓
睇返容祖兒以前攞獎嗰段片就會明

推一下

【第一章卓宜蓁篇：撞破（三）】

「唔……唔……」

從洗手間入門口第一個間隔傳嚟一陣陣雷太嘅低鳴聲。準確啲講，查實應該用「呻吟聲」更為貼切。不過喺知道發生緊咩事之前，其實都唔應該用到啲太引導性嘅詞彙。

簡單介紹返：廁所嘅面積大約八十幾呎左右，但就塞咗成四個廁格入去，所以可以話只要稍微肥少少呀，你入咗個廁格之後都唔多可以轉到身。但以雷太嘅身材嚟做標準嘅話，個空間用盡有突。

「唔……嗄…嗄……唔……」

雷太充滿壓抑性同誘惑性嘅呼吸聲同埋低鳴聲持續從廁格傳出。由於毒撚習慣咗靜靜哋，所以幾乎可以做到行路冇聲，咁就解釋到雷太似乎並唔意識到喺呢一刻「佢並唔孤單」。

要點做？到底，喺呢個時候應該點做？到底雷太喺廁格入面做緊啲乜？佢係肚痛屙緊？定還是真係做緊啲唔見得光嘅事？

然而，隨住聽到廁格入面開始傳嚟一種喺濕淋淋嘅肌肉上有節奏嘅抽插聲，喺呢一刻其實已經可以確定阿雷太的而且確做緊啲唔見得光嘅事，不過稍微難以置信嘅係雷太似乎係用住玩具嚟做。

咁當然除非係雷太嘅體質異於常人，如果唔係，啲抽插聲應該唔會大聲。

少婦因為湊仔壓力鉅大，但老公長期因公忘私而冇喺呢方面滿足到老婆，搞到佢會喺呢個情況下情不自禁咁去尋求自我安慰，成件事唔單止係件可悲，更令到廁格門外嘅人格外情慾高漲。

正如中學時期曾經去過一間漫畫舖。

因為對某行書櫃底層嘅某套漫畫有興趣而單膝跪地去揀書，期間有另一間學校嘅女學生喺正面前停低嚟揀書櫃高層嘅書。呢一刻，其實只要將視線往上移就可以好輕易咁望到佢裙底。

記得喺糾結緊應唔應該抬起頭嗰幾秒鐘，心跳聲異常雄渾，但同時如果茂茂然咁抬起頭而又咁橋畀位女學生見到有人𥄫佢裙底，當時心目中就浮現出一個詞：社會性死亡。

就喺呢幾秒嘅回憶喺腦海中回盪時，身後傳嚟一股廁所間隔慢慢開門時嘅「依…依…」聲。回頭一望，門縫之間浮現出雷太半邊泛紅嘅童顏以及從半開嘅小嘴呼出低沉而誘惑性嘅呼氣聲……（未完）

短短哋一節

等

推

Push keep 住出就有人睇架啦
太肉緊有冇人睇反而冇用

仲寫緊

g持