曾飾演《尋秦記》蒙傲 無線綠葉演員李海生細菌感染病逝 終年83歲！

但又奇怪

好似唔見有人出''who?" post或圖

接龍保安呀

走音將軍

猴痘

俾鐵面陳加操操到出事

武俠片好多有佢份

仲有套佛山贊師父 佢入面有玩下詠春 都正

你講起就突然醒起
奸人堅入面被子華吊起個狗肉和尚好似都係佢

奸人堅尋日啱啱開始重播，睇吓先

周柏豪老咗都好似佢

Make sense

元彪係七福 家底唔錯, 細個成日買野比師兄弟食, 佢又最細, 成班最錫係佢

好記得以前神童BJ係石油王子
但超鍾意格鬥,但比GSP克死

大把研究打藥唔練vs 正常天然練，前者肌肉增長係更多

佢果個年代應該無咁容易有藥食
同埋佢又唔係專職玩健美，需要食藥既可能性好低啦…
雖然的確咁既肌肉量同乾度，無練返5,6,7年應該好難

個腦入面仲記得佢把聲 把聲幾特別

又係你依啲傻鳩

李海生病逝
3個月前患「天皰瘡」
迅速蔓延全身 皮膚潰爛流血
家人四處尋醫 束手無策
搵專科日花數千元洗傷口
遺孀李太︰「佢身上有啲瘡大過手指公，呢3個月佢非常痛苦。」

曾在TVB處境劇《愛．回家之開心速遞》，飾演接龍集團保安員「申叔」的資深演員李海生，因皮膚生瘡潰爛，引發細菌感染，昨日(9日)於醫院病逝，享年83歲。

海生叔的遺孀李太跟《娛壹》透露，約3個月前，海生叔身上開始出現「天皰瘡」，由開始時數顆，到迅速長滿全身，令他數月來痛不欲生。

李太說︰「3個月前，佢手腳出現一啲有水泡嘅瘡，起初我哋以為係普通水泡或普通瘡，點知越生越多，同佢去睇皮膚科，皮膚科醫生話呢啲叫「天皰瘡」，多在老人身上出現，嗰位醫生話無辦法，因為係免疫系統出問題，自己打自己。」

李的家人繼續為他四處求醫，李太續道︰「之後生到全身都係，有啲仲大過手指公，好多西醫都話免疫系統問題，唔肯接佢呢個診症，我哋惟有一度尋求中醫，起初係有少少改善，部分瘡收水結疤，不過舊瘡未癒，新瘡已迅速蔓延。

「呢幾個月，佢非常辛苦，痛到不得了。我哋都束手無策。惟有上網再尋醫治「天皰瘡」嘅醫生。發現有個專醫呢科，有專業護士洗傷口，雖然好貴，幾千蚊洗一次，要日日洗，仲要其餘物資要家人自己另買，但啲仔女好好，用盡所有方法都想醫好爸爸，但連洗十日傷口，情況都未見好轉，唉！」

海生叔被身上的「天皰瘡」折磨，家人亦天天憂心奔波，繼續尋醫。最後經朋友幫助，上周三(4日)轉介入沙田威爾斯親王醫院，不過當時海生叔已全身潰爛，李太說︰「佢一入就要留醫，威院好好，安排兩位皮膚科醫生、一位心臟科醫生、一位內科醫生，幾個一齊睇佢，仲有四個護士一齊幫佢洗傷口，但無奈佢全身皮膚爛晒，流血流水，背脊生滿瘡，佢不停嗌好痛，根本瞓唔到，所以醫院除咗幫佢打類固醇，亦畀瞓覺藥佢食，到之後要打埋嗎啡針。」

眼見丈夫最後的3個月活得痛苦，心痛的李太覺得海生叔現在離開，未嘗壞事，「入院唔夠一星期，佢噚日(9日)走咗。走，對佢未必係壞事，至少佢唔使再咁辛苦。」

天皰瘡（Pemphigus）是一種罕見的自體免疫水皰性疾病，指老年皮膚最常見的自體免疫水泡病。這種疾病因患者自體的B 細胞產生抗體，攻擊皮膚細胞間的橋樑。而患者皮膚輕輕一碰就破皮、起水泡。

申叔事件

入院唔夠一星期，佢噚日(9日)走咗。走，對佢未必係壞事，至少佢唔使再咁辛苦。

去得咁快

印象最深係佢把聲，好鬼有中氣好響亮

一樣
記得佢扮少林武僧多過尋秦記個角色

打類固醇，亦畀瞓覺藥佢食，到之後要打埋嗎啡針

老人家唔係咁易受到

睇過n年前召氏果套唔記得係咪18銅人佢做主角
先知佢武打演員仲擔正