如果睇腫瘤科，QE定瑪嘉烈?

早排家人因為脊椎有問題，睇咗私家專科，原本以為可能係因為年紀大，脊椎退化而令神經受壓，最多係開刀。點知今日陪家人覆診，醫生睇完MRI報告就發現到有惡性腫瘤，現階段無可能開刀。醫生建議儘快去排政府腫瘤科（已有專科醫生轉介信，同安排咗做私家pet scan)，醫生唔建議睇私家腫瘤科，因為洗費可以無極限。

想請教各位，兩間公立醫院，有無話邊間比較好? 因為地點差不多，但路程上，去瑪嘉烈條路比較方便，對老人家可能無咁辛苦。

好徬徨，唔想無咗屋企人，求好心人可以指點一下明燈

邊度ca

問多幾個醫生意見先 有冇保險 問下agent有咩推介

公立醫院間間都係咁，睇吓邊間方便你哋去
公立每次複診，個腫瘤科醫生都唔同，但係都係嗰一個團隊，可能幾次之後又會撞返同一位醫生嘅


主力去公立睇，所有開藥嘅嘢都係政府比，就唔會負擔咁多
然後間中可去私家度睇吓，當聽吓意見，因為公立醫院每次睇你嘅時間都係好少， 5分鐘之內一定講晒，然後開藥，或者化療


無論病人同埋家屬，個心情都放開啲去睇囉，當係一個長期病咁去醫

幫你轉介嘅醫生有冇提議邊間?
可唔可以打去問邊間最快見到醫生? 因為都要排期

我都認同, cancer除左肉體, 精神上都好大拆磨, 揀間方便病人出入嘅醫院都好重要,
我屋企人覆診唔中都見到個好大年紀醫生係度睇, 主要係教專科醫生

排期方面係QE好似快d 好唔好就睇運
因為公立始終每次唔一樣既人
QE都遇過後生有耐性有心既腫瘤科醫生
開醫健通先
之後可以拎公立d料去私家做consult

即係公立醫院腫瘤科，邊一間睇都一樣? 我上網搵過資料，話腫瘤科醫生做治療，其實咩人做都係一樣，因為佢哋都係跟同一套guideline去做，連用藥都差唔多，差別只係醫院嘅服務，唔知係咪咁?

係，心情真係超級低落，老人家反而睇得開。見住佢病，自己乜都做唔到真係好慌

無，上一代無買保險，而且就算有，做化療電療條數計唔到。一般私家手術小弟仲負擔到，點知偏偏係中咗cancer

咁公立都係based on你病情去決定治療嘅,
當你陪家人去政府腫瘤科大堂等見醫生時, 你就唔會低落, 因為而家香港地生cancer嘅人多到好似普通科咁

謝謝絲打。

家人有開醫健通。

我屋企人當年情況係係私家做晒所有檢查, 然後去政府排, 因為私家已做晒檢查, 所以政府唔駛幫你排期做返一樣嘅檢查, 咁就會快D做到手術/化療/電療/見醫生,
如果錢銀更鬆動D, 直情係私家做埋手術(假設病情需需要做術), 然後手術/化療/電療政府跟, 咁就更快加, 呢D係其他病友分享

無，其實本來事前我係有打算最睇多個私家專科拎second opinion。但醫生本身算係熟人，佢都好詳細咁解釋同因應我哋嘅情況，比到目前對於我哋嚟講最好嘅建議。所以我都唔想拖，想儘快幫家人排咗公立先，之後再算。

聽日即刻去QE/PMH一齊問, 邊間快就排邊間

醫健通私家都可以睇到, 到時你地化療/食藥期間有咩問題, 都可以即刻搵返私家問, 唔駛下下等政府覆診

係，所以我一開始就已經即刻搵私家專科睇咗同做晒所有檢查先(已經做咗MRI，嚟緊會做埋Pet scan)。希望用錢買時間，嚟緊下星期會再見醫生睇Pet scan報告。

係呀，可能今次係一個有經驗嘅醫生睇，然後下一次就會係一個比較新嘅醫生睇，通常用開一隻藥，下一次睇既醫生都唔會咁輕易就轉，見你個項指標正常就會繼續用

所以其實間間睇都差唔多，主要睇吓邊間方便啲去，就算唔call的士，坐巴士地鐵都可以方便去到就最好


盡快掉咗轉介信去排期先，如果病情比較緊急，公立都應該會盡快比期你

心情低落係會有，i know that feel , 真係越來越多人有cancer，每次同屋企人去公立複診，個大堂都坐滿人

知道，唔該晒絲打

我屋企人十幾年前覆診已經坐滿醫院腫瘤科大堂 開始療程後已冇時間低落, 因為真係總有一個係左近, 既來之, 則安之

完全唔明! 因為我家人需要坐輪椅出入，所以交通都係最優先考慮。

謝謝巴打

瑪嘉烈啦
去醫院方便病人好緊要
Travelling 少啲無咁辛苦

加油

怪就怪自己冇努力搵錢

跪求胰臟癌醫生推介
https://lihkg.com/thread/3510685/page/1

啱呀，單次性嘅檢查，甚至手術都可以喺經濟負擔情況許可之下自費做
至於長期嘅化療藥，鏢靶藥等等，就由公立醫院負責，某啲藥可以申請資助（撒瑪利亞基金），到時醫院嘅醫生或者社工會教你哋點樣做

啱呀，真係老土啲講句，見步行步，路仍必須走