有關肛門瘻管之前有個主題點解唔見咗？

貼主被ban、自爆咪存檔死光光囉！

你係做LIFT痛嗎？LIFT較少人做點解唔係掛線.. 係咪因為屢管穿過外括約肌？

我覺得你下次見醫生時準備好問題，致少你知唔知道做緊乜同個過程係點同時間，咁起碼你心理上會安心啲。

你同我情況一撚樣
傷口唔埋

咁巴打你最後點？依家好返未

去左照MRI 未出報告
之後再睇下醫生再算
我屎忽個窿無流膿
間唔時爆下血咁

你呢個情況好似少見d，平時都係有內外口，跟住做手術

咁你爆完血係咪有個傷口？要等幾耐先埋到口

我無內口
長期有兩個傷口仔
差唔多兩個禮拜就會爆一次血
個情況持續左半年
我諗個傷口係一路埋口再爆再埋再爆

上面果位巴打連照mri都搵唔到條管傷口又埋唔到

book 左11月開刀check 巴打持續落去情況只會越唔樂觀，建議都係盡早解決。

仲要痾屎好痛 好似每次都夾硬擘開個傷口咁，痾屎已經變得唔enjoy

我都係等緊報告出
已經過左5個工作天仲未出報告

係邊到睇？睇專科照完比埋個期去睇report

去永康照咋 拎完再去搵返醫務所睇

我諗我都試過, 8、9年前有日右邊蘿柚上面突然生咗粒瘡
越生越大粒, 直徑超過五蚊銀, 大到面都爆開, 唔止大, 仲要好撚痛
係暗瘡嗰種痛, 咁大面積嗰種痛, 係一般暗瘡嘅好多倍咁痛
粒瘡生個位仲要係坐櫈時完全壓住, 一壓就痛到標眼水

終於有日頂唔順, 請假去咗長沙灣明愛醫院排急症
即時安排做手術, 打完麻醉, 用手術刀喺粒瘡個位𠝹個十字
之後刮晒啲膿出嚟, 清潔完後塞棉花入個傷口度
成個過程其實好快, 又冇話特別唔舒服

接落嚟就係漫長嘅洗傷口, 頭一星期每日都要去油麻地社會衛生科診所洗
第二個星期就隔日, 慢慢越去越疏, 最尾係一星期一次, 去多四次就完晒
每次去到姑娘會拆開膠布, 用鉗將塞咗入傷口裡面嘅所有棉花抽返晒出嚟
然後用一隻粉紅色嘅液體沖洗傷口, 最後重新塞過啲新嘅棉花入去
初頭都幾痛下, 但係比起粒瘡嗰種痛, 呢啲完全可以接受

就係咁就解決咗件事, 蘿柚上留咗一個十字疤痕, 自此相同位置就冇再翻發過
當日去做手術, 準備走嗰陣我問過醫生, 點樣可以避免
佢話呢個都算係都市病, 年紀嘅人都有, 除咗戒口(煎炸刺激嘢),
盡量避免坐人哋坐過嘅位, e.g.: 地鐵有人落車, 你即刻坐落嗰個暖得嚟其實都幾核突嘅位
原理係點我就唔知, 事後我真係有試過坐呢啲位
然後冇幾耐又真係喺第二啲位發起粒瘡, 有時細啲(都有一毫子咁大)
有時就接近做手術呢粒咁大, 好彩嘅話, 有啲會自己謝
唔好彩的話, 一係忍到佢個膿頭浮面, 自己落手唧咗佢(咁做當然最唔好啦)
再唔係就只能夠去醫院, 將所有嘢重複一次

直到某日, 同長輩傾開呢樣嘢, 就有位老人家介紹咗蠄蟝膏藥俾我
加熱令膏藥變軟, 然後貼上粒瘡後就可以唔洗理佢
第二日沖涼前先撕, 沖涼嗰陣用手檢查下粒瘡嘅狀況, 沖完再貼塊新嘅
我嘅經驗, 用咗頭一次粒瘡就縮咗1/4~1/3
之後日日keep住用, 大約再2~3日到到, 粒瘡啲膿好似俾塊膏藥吸咗出嚟
偶爾會feel到條底褲有少少濕咗咁, 我啲底褲都黑色, 唔知係血水定膿水
自始之後每當有呢啲瘡想生出嚟, 我就會用蠄蟝膏藥嚟以找毒攻毒
但係呢隻蠄蟝膏藥都幾難買, 要去啲好舊式嘅藥房度問, 唔係間間有, 不過就唔貴嘅
啲老人家話, 蠄蟝膏藥可以重複用, 但我成日有唔知血水定膿水滲出嚟
重用感覺唔係幾衛生, 過唔到自己, 所以我每次都開新嘅用

希望大家都唔會有肛門瘻管呢煩惱啦

巴打你個case 似係濃瘡，放左濃等埋口，瘻管係唔會自己好，要做手術斷尾

之前個post 有巴打講過，我見果個醫生就話做完要2個月先埋到口，用水做基本清潔就得

有聽譾過屢管MRI反而唔係最好照嘅式，有隻叫做endorectal ultrasound會較好同清楚，中大醫院好似有。

巴打做完係咪安樂晒？

我有兩條，未決定點做，想暫時忘記。

出完報告
見到有管 無膿 但照完都睇唔到內口
等過兩日俾醫生睇點搞

我有一條同你週轉，冇外口.. 唔知點搞

你之前好似已做過手術係咪?

做過膿瘡手術
半年前

巴打唔會痛咩平時？定係忍到 我去廁所痾果陣痛到叫出來