(AV女優Event遊記) 台北成人展TRE 2024 ＋ 一生只會做一次嘅一日來回大阪台北

好似未見八卦海既

高質LM

Lm

係可以見到好多平日見唔到嘅私服look

其實係有啲戴咗口罩之後都睇唔出佢係咪女優嚟

東京熱呢間絕對係正版佢哋同北都集團簽咗約

好彩未訓,lm

台上面咁多個女優自我介紹完之後，各個女優就會返去後台準備，又或者去返所屬嘅booth度，等台下面班咸濕毒撚過去搵佢哋摸手仔同合照同往年一樣，我都係只有買入場劵入場，冇買到任何一張見面會嘅飛以event嚟講我都係鐘意去日本玩嘅感覺多啲，所以今年都係繼續做只買入場劵嘅免費仔

時間上就當然係鬆動好多啦，捕喺大舞台前面，逼下逼下好容易就企到好前影相。大舞台全日嘅活動會係大會邀請嘅女優輪住上台，同FANS互動，最後仲會有抽人型立牌送俾FANS嘅環節。


（今年都係呢兩位MC，唔會講埋晒啲好老尷嘅咸濕笑話，我對佢哋嘅觀感好好）

第一位出場嘅金卡女優係只有145cm嘅七沢みあ：




17年出道，唔覺唔覺都已經係Moodyz專屬女優入面嘅大前輩，身高既係佢嘅優點，亦係佢嘅缺點，喺拍AV方面局限咗佢可以啱拍嘅企劃選擇，但同時拍一啲妹系、小惡魔系企劃嘅時候，Moodyz幾乎冇一個女優係佢對手。但不可否認嘅係七沢都開始老，仲可以拍多幾多年𡃁妹，真係好難講

同往年一樣，抽得越多女優嘅虛擬卡，被抽中上台玩遊戲贏立牌嘅機會就越高。上年有唔少只係有一張兩張女優虛擬卡嘅人都有得上台，今年明顯係有改善過，真係起碼有幾十張卡嘅先大機會上到舞台玩遊戲：


（就係要喺現場掃呢個QR Code先至可以有機會俾個系統抽到上台）

女優會喺望落非常公正嚴明嘅系統度抽4個幸運兒上台，至於玩咩遊戲？就係猜包剪揼喇






只要你猜贏另外嗰3個人，就可以帶呢塊女優親筆簽名嘅立牌返屋企


（台灣人都仲話可以call車，香港又或者其他海外人點拎？當大型行李寄倉就得，當然包裝要自己搞啦）

之後就換三位銀卡嘅女優上台，分別係めぐり、藤森里穗、葵いぶき：




めぐり同藤森里穗都係熟女系嘅女優，小道消息係めぐり今年好大機會會復出拍片；上面有提到藤森里穗今次我覺得眼前一亮，主要係因為今次冇我喺年頭見到佢嗰陣咁瘦，成個人都容光煥發咗：






至於葵いぶき，企喺佢哋兩個隔離就變咗小妹妹咁但其實佢喺Moodyz都開始拍緊姐系嘅企劃


（Rock & Roll never die!）

銀卡女優就唔係玩包剪揼咁老土，每位女優都會喺台下面揀一位FANS上台，工作人員會收埋一個襟章喺佢哋身上，由女優鬥快搵出嚟呢個game，我強烈懷疑係為咗めぐり度身訂造：





另外嗰兩個女優邊夠佢嚟




最後玩完遊戲，幾位女優同大家say個bye，就返番入後台了


（呢三個女優入面我個人最鐘意係葵いぶき都希望佢下年繼續有得參加）

留名睇遊記
Anyway青空光搞到成個啊姑咁同片入面差咁遠

惠好

之後仍然係三位銀卡嘅女優，分別係石原希望、楪カレン、北野未奈：




呢三位女優我都唔算特別熟印象比較深應該係北野未奈，真人冇睇片咁橫同肥；楪カレン之前有幸同佢做過訪問今年見佢好似os有update到至於石原希望，你個口真係好撚大吖！








三個入面最古靈精怪一定係石原希望，啲表情多撚到





呢三個我都冇咩興趣於是就去偷影我19年已經睇中嘅TRE翻譯妹妹Rika




真係好可愛日系台妹萬歲

之後又換返一位金卡女優上台，今次出場嘅係石川澪：





銷量、人氣，都僅次於河北妹嘅「天下第二人」，喺我心目中石川澪比起河北妹嘅前途發展更加光明，石川澪今年只係21歲，仲有大把青春可以俾佢喺呢一行度發揮，而且無論佢事務所定係Moodyz，都當佢如珠如寶咁照顧。所以比起河北妹，我個人覺得石川澪最後去到嘅高度，有機會會比河北妹更高。








最後仲好難得影到呢幾張趴喺枱面嘅石川澪可愛樣：

之後出場嘅係聽講去完今年TRE之後，醫好咗社恐嘅鈴村あいり：





自從あやみ旬果引退之後，Prestige就靠鈴村一個搶大旗，少少可惜嘅係鈴村唔係一位高調，甚至連正常曝光都稱唔上嘅女優，Prestige急需一個可以拍得住，又或者有機會追得上鈴村嘅女優做生招牌，涼森れむ能夠咁快上位，某程度上都係呢一個原因做成

係咪表示鈴村已經喺Prestige冇晒價值呢？咁又唔係，至少今次我見到真人同埋睇到佢台上面嘅反應，冇嗰種生人勿近嘅氣場，亦都冇嗰種擺款嘅霸氣，反而係睇到鈴村嗰種少少慌張，唔知自己俾嘅反應啱唔啱，希望冇做成大家不便嘅感覺。成件事俾我嘅感覺好real，甚至可以話係好pure好true





鈴村今年係第一次出席TRE，就算喺日本佢嘅event都唔算多，所以今次都吸引到唔少兩岸三地同日本嘅FANS嚟見佢，希望鈴村經過今年TRE之後都會有所改變，搞多啲event俾FANS見下佢啦

啲接機相有當年蘋果照妖鏡Feel

然後係近年開始行人妻路線嘅明里つむぎ：





講到業界嘅「顏面國寶」，咁耐以嚟公認嘅好似真係得兩個，一個係葵つかさ，一個就係明里つむぎ，無可否認明里個樣依然俾到人一種驚豔嘅感覺，又或者直接啲講無錯就係仙氣；近年轉咗人妻路線之後，明里嘅片種同演技都多元化咗好多，今年TRE明里嘅人氣依然居高不下。我覺得只要明里仲想繼續拍，AV業界一線女優依然會有屬於佢嘅一席位。




同埋影到咁大頭都係咁靚真係有幾多個女優可以做到

又睇下啲銀卡女優先，今次呢三個各有特色，分別係神木麗、楓ふうあ、西宮ゆめ：





神木麗a.k.a.大隻麗，今年絕對係肥過上年楓ふうあ依然都係嗰個外型剎食，但對應零分嘅狀態，聽講今年TRE完咗之後好多人都話下年唔會再去搵佢

至於重點女優西宮ゆめ，我哋喺成人台嗌佢做MK夢，因為嗰陣MK味真係仲勁過班港女真人同上鏡分別都唔大，而且今年因為都係佢第一次出海外活動，好多人都好期待，白銀卡女優入面佢係最快賣晒嘅頭幾位女優。


（同埋佢好鐘意鼓埋泡腮呢個表情）

三個女優都各有特色，呢個組合都幾特別，今年TRE銀卡女優入面人氣最好應該都就係佢哋三個

繼續係銀卡女優嘅回合，今次係青春無敵嘅組合，小湊よつば、七ツ森りり、未歩なな：


（話說七森個心口谷到咁，真係冇工作人員覺得有問題？）

小湊よつば，SOD Star嘅其中一位招牌女優，最近啱啱中出解禁；七ツ森りり喺S1暫時都好穩定，我個人都睇好佢會喺S1直至引退；至於古川嘅好姊妹未歩なな，喺台灣都一直有一班死忠FANS，所以都唔駛我點幫佢打氣，夠晒人氣啦


（不過其實話就話青春，七ツ森りり都已經28歲...好彩個樣都仲呃得下人。）

今次台上面就唔係玩搵襟章喇，係玩泵氣球同我同房嘅室友係未歩FANS，咁啱就俾佢抽中上台玩，我就梗係幫佢哋影返幾張相留念啦


（你快樂，我就快樂）

最後貼多幾張全身相：